MBETO: MELI YA KWANZA YA MAFUTA ZANZIBAR NI UTEKELEZAJI ILANI YA CCM 2025/2030


Na Mwandishi Wetu, Zanzibar                                                                                    

KUTIA Nanga Meli ya kwanza kubwa ya Kimataifa yenye lita Milioni 36 za Mafuta katika Bandari Jumuishi Mangapwani, Zanzibar ni sehemu ya ahadi iliyopo kwenye vipaumbele takribani 10 katika Ilani ya Chama cha Mapinduzi (CCM) katika Uchaguzi Mkuu uliopita 2025 na ni maono ya Rais Dkt. Hussein Ali Mwinyi ya kuifanya Zanzibar kuwa na akiba ya kutosha ya mafuta. 

Akizungumzia mjini Unguja 03 Juni 2026 kuhusiana na kuwasili kwa meli hiyo kubwa ya Kimataifa kwa mara ya kwanza toka Zanzibar iwepo, Katibu wa Kamati Maalum NEC Zanzibar Idara ya Itikadi na Uenezi na Mafunzo, Khamis Mbeto Khamis  alisema lengo ni kuwa na akiba ya miezi mitatu hadi minne.

"Tunaendelea na ujenzi wa hifadhi kubwa ya mafuta Mangapwani na tayari makampuni yapo kule" alisema Mbeto.

Alibainisha kuwa mafuta ni muhimu katika Zanzibar inayokua kiuchumi kwa sasa na pia katika maisha ya kawaida ya wananchi kwani yakiwepo ya kutosha yanasaidia udhibiti wa kupanda kwa gharama za usafiri na usafirishaji hivyo kuzuia mfumuko wa bei za bidhaa na vyakula kwa wananchi.

"Serikali ya CCM imeahidi kuwaondolea wananchi wake changamoto mbalimbali ikiwemo ya upatikanaji wa mafuta kuwarahisishia shughuli zao za kila siku" alisema na kuongeza kuwa Dkt. Hussein Mwinyi ni Rais mwenye maono makubwa anayotekeleza kwa vitendo.

Meli hiyo kubwa yenye lita Milioni 36 za mafuta kutoka nchini, Saudi Arabia iliwasili na kuanza kushusha  mwishoni mwa wiki iliyopita na kulingana na Katibu Mkuu Wizara ya Maji, Nishati na Madini, Joseph Kirangi kiasi hicho mafuta kinatosheleza takribani mwezi mmoja na kuanza kuwasili kwa meli hizo moja kwa moja ni hatua kubwa katika maendeleo na ukuaji wa uchumi wa Zanzibar.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more