MBETO AHOJI ACT WAZALENDO KUPEWA ARDHI BARA, KUTIBIWA MUHIMBILI


 Mwandishi Wetu, Zanziba                                                                                       

KATIBU wa Kamati Maalum NEC Zanzibar Idara ya Itikadi, Uenezi na Mafunzo, Khamis Mbeto Khamis amewataka viongozi wa ACT Wazalendo wakavisome vizuri vifungu vya Katiba wanavyodai kuwa suala la Jeshi la Kujenga Taifa (JKT) si la Muungano hivyo vijana wa Zanzibar hawapaswi kujiunga nalo.

Pia wajiulize iwapo suala la Afya na Ardhi kama nayo yapo kwenye Muungano na kuwataka kushughulika na mambo ya msingi na sio kutaka kuwanyima vijana wa Zanzibar fursa zitokanazo na JKT kwani suala hilo ni la Jamhuri ya Muungano wa Tanzania na anashangaa uwezo wa wanasheria wa chama hicho kulijua hilo.

Alibainisha Mwenezi Mbeto kuwa Katiba Kifungu namba 147 inasema Jamhuri ya Muungano wa Tanzania itaunda Majeshi ya Ulinzi na Usalama.

Marekebisho ya Katiba ya Jamhuri ya Muungano wa Tanzania yaliyofanywa na Bunge la Jamhuri  ya Muungano wa Tanzania, 1975 yanaifanya JKT ambayo inaundwa na Kifungu Sheria namba 16 cha Jeshi la Kujitolea Kutumikia Taifa (National Service Act.) 1964,  inafanywa kijeshi kuwa Kamandi ya JWTZ.

Mbeto kuwa kutokana na muundo huo wa kikatiba, JWTZ ni la Jamhuri ya Muungano wa Tanzania na JKT ni Kamandi iliyo ndani ya JWTZ, hivyo kudai vingine kunashangaza.

 "Pale wapo na wanasheria chungu zima (wengi) lakini inashangaza" alisema Mbeto ambaye idara yake pamoja na mambo mengine, inahusika na elimu, itikadi na mafunzo ndani ya CCM.

Alisema mwenezi huyo kuwa vijana wa upande mmoja wa Jamhuri ya Muungano wa Tanzania wasinyimwe kutumia fursa za JKT.

"Mbona wanapewa ardhi Bara hawasemi? Mboma tunapewa rufaa tunakimbilia Muhimbili kwani hayo hapo kwenye Muungano?" alihoji Mbeto.

Mwenezi huyo alisema wajiulize pia mbona askari toka Zanzibar walipigana vita Uganda na makumi ya watoto wao wanaomba nafasi za ajira zikitangazwa Polisi, Uhamiaji, JWTZ na majeshi mengine.

"Wakati ukifika hatutulii maofisini wanakuja Oooh, mwanangu kaomba nisaidie" alisema na kuongeza kuwa kuna mambo mengi ya maendeleo ya kujadili sio kila siku kuzua yasiyo na msingi.

Mbeto alisema kuwa madai kuwa watoto wao watavuliwa Hijjab hayana msingi kwani jeshi lina mfumo wake ndio maana jeshini wote ni askari hakuna wa kike au kiume na linapokuja suala la imani ndio maana nchi zingine wanawake hawaruhuxiwi jeshini.

Alishangaa hayo kusemwa JKT wakati hata Zanzibar wanapoomba zinapotokea nafasi kujiunga na vikosi vya Serikali ya Mapinduzi (SMZ),    vya KMKM, Uhamiaji, Polisi, JKU, KVD hilo hawahoji.

"Vikosini, wananyoa nywele na kubaki na vipara, wanavaa sare za miçhezo kama mafunzo ya kijeshi yanavyotaka?" aliuliza.

Chama ACT Wazalendo ambacho hadi sasa hakijajiunga na Serikali ya Umoja wa Kitaifa Zanzibar ili kuwatumikia waliowaowapigia kura, kimetakiwa kujua msingi mkuu wa mafunzo ya JKT.

Alitanabaisha Mwenezi Mbeto kuwa JKT ni kuwajengea vijana uzalendo, mafunzo ya kijeshi kwa ajili ya ulinzi wa Taifa lao, kujitolea kulitumikia Taifa na mafunzo ya stadi mbalimbali ambazo zinaenda kuwajengea kujitegemea.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more