USHIRIKIANO KIKANDA DHIDI YA UJANGILI UNAOVUKA MIPAKA WAJADILIWA


                                     Na Mwandishi Wetu, Nairobi, Kenya 

SERIKALI ya Jamhuri ya Muungano wa Tanzania imesisitiza umuhimu wa ushirikiano wa kikanda katika vita dhidi ya ujangili wa wanyamapori na mazao ya misitu unaovuka mipaka ya nchi.


_Rais wa Baraza la 14 la Uongozi wa Nchi Wanachama wa Mkataba wa Lusaka (14th Bureau of Governing Council) ambaye pia ni Waziri wa Maliasili na Utalii wa Tanzania, Dkt. Ashatu Kijaji, wakati akifungua kikao cha Baraza hilo jijini Nairobi, Kenya._

Kauli hiyo imetolewa na Rais wa Baraza la 14 la Uongozi wa Nchi Wanachama wa Mkataba wa Lusaka (14th Bureau of Governing Council) ambaye pia ni Waziri wa Maliasili na Utalii wa Tanzania, Dkt. Ashatu Kijaji (Mb), wakati akifungua kikao cha Baraza hilo jijini Nairobi, Kenya.

Dkt. Kijaji amesema ushirikiano wa kikanda ni silaha muhimu katika kupambana na mitandao ya kimataifa inayojihusisha na biashara haramu ya wanyamapori, ujangili na mazao ya misitu.

Ameongeza kuwa dhamira ya Tanzania katika kuimarisha uhifadhi wa maliasili imeendelea kuonekana kupitia hatua mbalimbali za kitaifa zilizotekelezwa ndani ya kipindi cha mwaka mmoja uliopita.

Alisema tangu nchi hiyo ichukue uongozi wa Baraza hilo jijini Arusha. Aidha, amesisitiza kuwa Tanzania imewekeza katika uhifadhi shirikishi unaozihusisha jamii zinazozunguka maeneo ya hifadhi.

Vilevile, Dkt. Kijaji amesisitiza kuwa rasilimali za wanyamapori na misitu  si mali ya taifa moja pekee, bali ni urithi muhimu wa Dunia unaopaswa kulindwa kwa nguvu zote kwa manufaa ya vizazi vya sasa na vijavyo.s

Aidha, ameongeza kuwa juhudi hizo zinaonyesha wazi kuwa mafanikio katika uhifadhi Wanyamapori na misitu hayawezi kupatikana kwa matamko ya kisiasa pekee, bali yanahitaji utekelezaji wa vitendo, ubunifu, uwekezaji na hatua zinazoleta matokeo yanayoonekana.

Kikao hicho kilichoongozwa na Dkt. Kijaji kimewakutanisha nchi wanachama wa Mkataba wa Lusaka, zikiwemo Kenya, Tanzania, Congo Brazzaville, Zambia na Liberia.

Aidha, kikao hicho kimetokana na maazimio yaliyofikiwa katika Kikao cha 14 cha Baraza la Usimamizi wa Mkataba wa Lusaka kilichofanyika mwezi Mei 2025 jijini Arusha, Tanzania.

Sambamba na hayo, Dkt. Kijaji alipata fursa ya kuzindua Mpango Mkakati wa Sekretarieti ya Mkataba wa Lusaka wa mwaka 2025–2030 unaolenga kuimarisha mapambano dhidi ya makosa ya wanyamapori na mazao ya misitu yanayovuka mipaka ya nchi.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more