TANZÀNIA KINARA UZALISHAJI ASALI NCHI ZA SADC


                                   Na Mwandishi Wetu,  Tabora

SEKTA ya nyuki nchini imeendelea kukua na kuiwezesha Tanzania kuwa nchi ya kwanza kwa uzalishaji wa asali katika nchi za Afrika Mashariki (EAC), ya pili kwa nchi za Jumuiya ya Maendeleo Kusini mwa Afrika (SADC), na ya 14 duniani.

Mafanikio hayo yamechangia uzalishaji wa ajira pamoja na kukuza pato la kaya na Taifa kwa ujumla.

Akizungumza katika kilele cha maadhimisho ya Siku ya Nyuki Duniani yaliyofanyika kitaifa mkoani Tabora, 22 Mei 2026, Waziri wa Maliasili na Utalii, Dkt. Ashatu Kijaji, amesema usimamizi mzuri wa sekta ya nyuki umeanza kuzaa matunda kutokana na ongezeko la uzalishaji wa asali kutoka tani 33,861 hadi tani 75,000 pamoja na kuongezeka kwa ajira mpya 43,055, hususan kwa vijana.

Dkt. Kijaji amefafanua kuwa kupitia kampeni ya “Achia Shoka, Tundika Mzinga”, kiwango cha uzalishaji wa asali kimeongezeka kwa kiasi kikubwa. 

Amesema thamani ya asali iliyouzwa nje ya nchi imeongezeka kutoka TSh.Bilioni 11.4 mwaka 2024 hadi kufikia TSh.Bilioni 19.2 mwezi Machi 2025, hatua inayoashiria ukuaji wa sekta ya nyuki na kuwanufaisha Watanzania, hasa wale wanaoishi karibu na maeneo yaliyohifadhiwa.

Ameongeza kuwa maadhimisho hayo yaliongozwa na kauli mbiu ya “Uhifadhi wa Nyuki kwa Ustawi wa Mazingira na Taifa Letu” ambayo inayokwenda sanjari na mipango ya Taifa ikiwemo Dira ya Maendeleo ya Taifa 2050 pamoja na mikakati mingine yenye lengo la kuhakikisha Taifa linaendelea kuhifadhi maliasili zake ili kukabiliana na athari za mabadiliko ya tabianchi na kuimarisha usalama wa chakula.

Amesisitiza kuwa ufugaji nyuki una mchango mkubwa katika uhifadhi wa misitu na wanyamapori, uchavushaji wa mimea, upatikanaji wa chakula, dawa pamoja na malighafi za viwandani.

Maadhimisho hayo yaliambatana na maonesho ya mazao mbalimbali ya nyuki, ikiwa ni pamoja na vifaa vya kuchakata na kuzalisha asali.

Sambamba na hayo, Dkt. Kijaji alipata fursa ya kufungua karakana ya mbao katika Chuo cha Mafunzo ya Ufugaji Nyuki, kugawa mizinga ya kisasa 600 kwa vikundi vya wafugaji nyuki kutoka halmashauri za Urambo na Kaliua pamoja na wafugaji nyuki kutoka Chama cha Wenye Ulemavu wa Kusikia, ikiwa ni sehemu ya kuleta manufaa kwa Watanzania wanaoishi jirani na maeneo ya hifadhi za misitu.

Aidha, aligawa majiko banifu 500 yanayotumia umeme kidogo ikiwa ni hatua ya kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan kuhamasisha matumizi ya nishati safi ya kupikia.

Kwa upande wake, Mkuu wa Mkoa wa Tabora amewataka wananchi kuacha kukata miti kwa ajili ya nishati ya mkaa hadi pale tathmini itakapofanyika ili kutoa mwongozo bora wa uvunaji endelevu wa miti kwa ajili ya mkaa.

Pia amewahimiza wananchi kujikita katika matumizi ya nishati safi kwa ajili ya kulinda mazingira.

Upande mwingine, msanii wa Singeli Misso Misondo  alinogesha kilele hicho cha Siku ya Nyuki Duniani kwa kufanya onesho la aina yake lililoisisimua hadhira iliyokuwepo.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more