TANZANIA, AFRIKA KUSINI, BOTSWANA ZANG'ARA UTALII AFRIKA


Na Mwandishi Wetu, Alexandria, Misri

NCHI kadhaa za Afrika zimeonesha ukuaji mzuri katika sekta za utalii huku ikitarajiwa ukuaji huo kuendelea kwa kasi na kutoa mchango zaidi kwa uchumi na jamii, licha ya changamoto mbalimbali za Dunia.

Hayo yamo kwenye ripoti mpya ya Baraza la Utalii na Usafiri Duniani (WTTC) ijulikanayo kama “Travel and Tourism Economic Impact 2025,” iliyotambulishwa kwenye Mkutano wa Baraza hilo unaofanyika kwenye meli ya Kitalii ya Crystal Cruises ambayo leo Jumamosi Mei 9, 2026, imefika katika Bandari ya Alexandria nchini Misri.

“Ripoti hii inaonesha mchango wa sekta ya utalii kwa uchumi na maendeleo ya watu ni mkubwa ikilinganishwa na sekta nyingine hivyo Serikali mbalimbali duniani zinapaswa kuipa sekta hii kipaumbele.

“Kwa upande wa mchango kwenye GDP Duniani mwaka 2025, utalii umechangia kwa asilimia 10.3 sawa na mapato ya Dola za Kimarekani Trilioni 11.7 na ikitarajiwa kukua hadi Dola Trilioni 16 mwaka 2035 na ajira kutoka watu milioni 371 hadi milioni 471 mwaka 2035” alisema Mtendaji Mkuu wa WTTC, Gloria Guevara, akiitambulisha ripoti hiyo.

Kwa upande wa Tanzania, ripoti hiyo inaonesha nchi za Afrika Kusini (asilimia 7.7) na Tanzania (asilimia 7.4) zimeongoza Afrika kwa kupokea mitaji zaidi ya kiuwekezaji katika sekta ya utalii zikiwa juu ya wastani wa Dunia ambao ni asilimia 3.8.

Aidha, Afrika Kusini, Tanzania na Kenya zimefanya vyema katika eneo la mapato ya watalii kununua bidhaa na kuzisafirisha nje ya nchi (visitor exports).

                       

Akizungumza na Katibu Mkuu wa Wizara ya Maliasili na Utalii ya Tanzania, Dkt. Hassan Abbasi aliyehudhuria Mkutano huo, Bi Gloria ameahidi kushirikiana na Serikali ya Tanzania kuongeza mchango wa sekta ya utalii kwa uchumi na ajira za Watanzania.

Awali wakichangia mada kuhusu Mchango wa Utalii Katika Wakati wa Changamoto Marais Wastaafu Mauricio Macri (Argentina, 2015-2019), Felipe Calderón (Mexico, 2006-2012) na Waziri Mkuu wa zamani wa Italia, Matteo Renzi (2014-2016), wameeleza jinsi awali Serikali zao zilivyoshindwa kuupa utalii kipaumbele kabla ya kubaini mchango wa sekta hiyo na kuifanya kuwa msingi wa uchumi wa serikali zao.

Walitumia muda huo kuwakumbusha viongozi wa sasa kuienzi sekta hiyo kwani ina mchango mkubwa huku wakiwataka watendaji walio chini ya viongozi wa kisiasa kushauri ipasavyo.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more