SERIKALI, WADAU KUIMARISHA MIKAKATI UUGUZI, UKUNGA NCHINI



                                     Na Zakayo Mosha, WAF - Dodoma

WIZARA ya Afya kwa kushirikiana na Ofisi ya Waziri Mkuu, Tawala za Mikoa na Serikali za Mitaa (TAMISEMI), imeandaa Mkutano Mkuu wa Mwaka wa Watumishi na wadau  Ukunga na Uzazi, unaotarajiwa kufanyika hivi karibuni.

Mkutano huo unawahusisha wauguzi viongozi ngazi ya Mikoa, Halmashauri, Hospitali ya Taifa, Hospitali za Kanda, Hospitali za Rufaa za Mikoa, Hospitali maalum, Waratibu wa Kanda na Mikoa wa huduma za Afya ya uzazi na mama na mtoto.


Pia Waratibu wa huduma za M-Mama ngazi za Mikoa yote ya Tanzania Bara na Zanzibar kujadili namna bora ya kuboresha huduma hizo kwa wananchi. 

Naibu Katibu Mkuu Ofisi ya Waziri Mkuu TAMISEMI Prof. Tumaini Nagu wakati akifungua mkutano huo Mei 20, 2026 Jijini Dodoma amewataka wauguzi viongozi kujua nafasi zao, kutoa elimu kwa wauguzi pamoja na kusimamia wodi. 

"Nitumie fursa hii kumshukuru Mhe. Rais Dkt. Samia Suluhu Hassan kwa jinsi alivyoboresha utoaji wa huduma za Afya hapa nchini ikiwemo miundombinu, vitendea kazi na kujali maslahi ya watumishi wa taaluma ya uuguzi na ukunga," amesema Prof. Nagu.

Kufuatia uwekezaji huo, Prof. Nagu amewapongeza wauguzi hao kwa kuwahudumia wagonjwa na kuwa walimu, walezi, kutatua changamoto binafsi za wagonjwa na kuwataka kundelee na moyo huo  huo kwakiwa Serikali inatambua juhudi hizo na itaendelea kuwajali na kuboresha mazingira ya kazi. 

Ameongeza kuwa, ni matarajio ya Serikali kupitia mkutano huo kutoka na mikakati ya kuendelea kuboresha na kuimarisha utoaji wa huduma kwa wagonjwa kwa kuzingatia maadili, nidhamu, Utu na staha.


Aidha, Prof. Nagu amesema kuwa malengo ya Serikali ya awamu ya  Sita ni kupunguza vifo vitokanavyo na uzazi kushuka kutoka 104 kwa kila vizazi hai 100,000 hadi 70 kwa kila vizazi hai 100,000. 

"Ili kufanikisha malengo haya kila muuguzi atimize wajibu wake na wale wachache wanaokiuka misingi ya maadili ya kazi mbadilike kabla ya kuchukuliwa hatua kwa mujibu wa taratibu za utumishi wa umma," amesema Prof. Nagu

Katika hatua nyingine, Prof. Nagu amewakumbusha wauguzi, wakunga na Watanzania kwa ujumla kuendelea kuchukua tahadhari ya ugonjwa wa Ebola ambao umegundulika katika Nchi Jirani za Kongo DRC pamoja na Uganda ambapo amesema Serikali ya Tanzania imechukua tahathari kuhakikisha ugonjwa huo hauingii nchini.

Kwa upande wake, Mkurugenzi wa Huduma za Uuguzi na Ukunga Wizara ya Afya Bi. Ziada Sellah  amewashukuru wadau mbalimbali wa maendeleo katika Sekta ya Afya kwa jinsi wanavyounga mkono juhudi za Serikali ya Tanzania  katika kupunguza vifo vya Mama na mtoto hapa nchini. 

"Juhudi hizi zimezaa matunda na Tanzania imepata mafanikio makubwa ambapo vifo vya watoto wanaozaliwa vimepungua kutoka 556 mwaka 2022 na kufikia vifo 104 kwa kila vizazi hai 100,000 hapa nchini na kupelekea Mhe. Rais Dkt. Samia kupewa tuzo kutoka nchini Marekani kwa kutambua mchango wake," amesema Bi. Ziada

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more