RAIS DKT. MWINYI KUJUMUIKA SALA YA EID EL HAJJ, KESHO PEMBA

                                        Na Mwandishi Wetu, Pemba

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amewasili Pemba leo, 26 Mei 2026, kwa ajili ya kujumuika na waumini wa dini ya Kiislamu katika Sala ya Eid El-Hajj pamoja na Baraza la Idd linalotarajiwa kufanyika kesho.

Alipowasili katika Uwanja wa Ndege wa Pemba, alipokelewa na viongozi mbalimbali wa Serikali na Chama Cha Mapinduzi (CCM), pamoja na Wakuu wa Vikosi vya Ulinzi na Usalama wakiongozwa na Mkuu wa Mkoa wa Kusini Pemba,  Hadid Rashid Hadid.

Rais Dkt. Mwinyi pia ametoa mkono wa pole kwa familia ya Mufti Mkuu wa Zanzibar, Sheikh Saleh Omar Kaabi, kufuatia kifo cha ndugu yake, Marehemu Bakari Omar Kaabi, aliyefariki jana. 

Rais Dkt. Mwinyi alifika nyumbani kwa familia ya marehemu, Changaweni Mfikiwa, kutoa mkono wa pole kwa Mufti Mkuu huyo wa Zanzibar, ndugu na jamaa, huku akiwasihi kuwa na ustahamilivu na subira katika kipindi hiki kigumu cha msiba wa kuondokewa na mpendwa wao.

Marehemu Bakari Omar Kaabi amefariki jana tarehe: 25 Mei 2026 akiwa anapatiwa matibabu katika Hospitali ya Abdalla Mzee, Mkoani, Pemba, na kuzikwa Ukutini. Mwenyezi Mungu amlaze mahala pema peponi. Amina.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more