RAIS DKT. MWINYI AISHUKURU INDIA KWA MIRADI MIKUBWA YA MAJI ZANZIBAR


                                         Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, ameishukuru India kwa kuendeleza ushirikiano na misaada yake kwa Zanzibar katika sekta mbalimbali za maendeleo, kijamii na kiuchumi.

Rais Dkt. Mwinyi ameyasema hayo leo, tarehe 14 Mei 2026, alipokutana na Balozi Mdogo wa India aliyepo Zanzibar, Balozi Kumar Praveen, aliyefika Ikulu kwa ajili ya kuaga baada ya kumaliza muda wake wa kazi nchini.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akizungumza na Balozi Mdogo wa India anayemaliza muda wake Zanzibar, Kumar Praveen._

Rais Dkt. Mwinyi amesema mradi mkubwa wa maji uliotekelezwa na India hapa nchini umekuwa na mafanikio makubwa katika kuimarisha upatikanaji wa maji katika maeneo mengi ya mijini, na ameishukuru nchi hiyo kwa mafanikio hayo pamoja na kusisitiza kufanikishwa na kuendelezwa kwa mradi mpya wa takriban dola milioni 35 katika sekta ya maji.

Mradi huo mpya utatekelezwa kupitia uendelezaji wa skim tisa za maji, uwekaji wa matanki mapya, uchimbaji wa visima, ujenzi wa mtandao wa usambazaji wa mabomba Unguja na Pemba pamoja na ujenzi wa jengo la afisi ya mradi huo.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akizungumza na Balozi Mdogo wa India aliyepo Zanzibar, Kumar Praveen, alipofika Ikulu Zanzibar kwa ajili ya kumuaga baada ya kumaliza muda wake wa kazi nchini, tarehe 14 Mei 2026._

Aidha, Rais Dkt. Mwinyi amesifu mafanikio makubwa yanayoendelea kupatikana kupitia Chuo cha IIT Madras kilichopo Zanzibar katika kutoa mafunzo na kuleta mageuzi ya Teknolojia ya Habari na Mawasiliano.

Ameishukuru India kwa kutoa fursa za mafunzo ya muda mfupi na mrefu kwa wananchi wa Zanzibar katika sekta mbalimbali, huku akisisitiza kuendelezwa kwa fursa hizo kwa ajili ya kujenga uwezo wa rasilimali watu hapa nchini.

_Balozi Mdogo wa India anayemaliza muda wake Zanzibar, Kumar Praveen, akisisitiza jambo wakati wa mazungumzo hayo alipokwenda kuaga, Ikulu Zanzibar._

Akizungumzia sekta ya afya, Rais Dkt. Mwinyi ameitaka India kuendeleza misaada katika sekta hiyo pamoja na taasisi za afya za nchi hiyo kuendelea kutoa huduma na mafunzo kwa watendaji na madaktari nchini.

Rais Dkt. Mwinyi ameeleza kuridhika na uwekezaji unaofanywa na taasisi za sekta binafsi za India zilizowekeza Zanzibar katika miradi ya umeme mbadala, kwani inachangia juhudi za Serikali za kuwa na umeme wa kujitegemea.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akiwa katika picha ya pamoja na Balozi Mdogo wa India anayemaliza muda wake, Kumar Praveen, alipofika Ikulu Zanzibar kumuaga.._

Aidha, Rais Dkt. Mwinyi ameeleza umuhimu wa kuendelezwa kwa masuala ya utamaduni baina ya India na Zanzibar kutokana na ushirikiano uliopo kwa miaka mingi kwa manufaa ya vizazi vya sasa na vijavyo.

Rais Dkt. Mwinyi amempongeza Balozi Praveen kwa kazi nzuri aliyoifanya katika kuimarisha uhusiano baina ya Zanzibar na India, na kumtakia kila la heri katika utekelezaji wa majukumu yake mapya.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akiagana na Balozi Mdogo wa India anayemaliza muda wake, Kumar Praveen, Ikulu Zanzibar._

Naye Balozi Kumar Praveen ameihakikishia Zanzibar ushirikiano zaidi, huku akisifu mabadiliko ya kasi na maendeleo makubwa yanayofikiwa na Zanzibar hivi sasa, ikiwemo ujenzi wa miundombinu ya barabara, viwanja vya ndege na hospitali, pamoja na kuahidi kuwa India itaendelea kuiunga mkono Zanzibar.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more