MBETO: OMO MPOTOSHAJI, UCHAGUZI MKUU ZANZIBAR UMESHAPITA





Na Mwandishi Wetu, Zanzibar 

Chama Cha Mapinduzi (CCM),  kimemtaka Mwenyekiti wa ACT Wazalendo  , Othman  Masuoud Othman   'OMO' kutowapotosha wananchi kwa kudai kuna waliojipa mamlaka wakati  kura zilizopigwa  ndizo zilizoiweka serikali  madarakani.

Katibu wa Kamati Maalum NEC, Zanzibar Idara ya Itikadi na Uenezi, Komredi Khamis Mbeto Khamis alisema 
kwa muktadha huo, CCM  kimesikitishwa kumsikia kiongozi huyo  akipotosha  ukweli  kuhusu   Uchaguzi Mkuu uliopita.

Mbeto alisema kauli ya kiongozi huyo ni kama kwamba uchaguzi bado haujafanyika Zanzibar.

Mwenezi huyo alidai kuwa matamshi ya Mwenyekiti huyo   wa ACT Wazalendo yana    upungufu na  walakin.

"Wakati akifungua kikao cha Kamati Kuu ya ACT  Wazalendo Jijini Dar es Salaam, Othman alidai kuna waliojipa madaraka huku wakishindwa kutenda  haki na  kutotimiza wajibu  stahiki kwa wananchi" alisema Komredi Mbeto. 

Alibainisha kuwa  hakuna Serikali  Duniani inayojiweka Madarakani bila  kupata ridhaa na idhini ya wananchi kupitia ushiriki wao katika demokrasia ya uchaguzi. 

Alisema jaribio la  kutaka  kuiaminisha jamii na Dunia ya kwamba Serikali iliyopo imejiweka madarakani ni upuuzi unaopaswa kupuuzwa.

"Hizo ni Ngenga , Varange na sarakasi za  kisiasa, jeuri na ukaidi usio na maana wala mantiki" alitanabaisha mwenezi huyo ambaye chama chake ndio kinaunda serikali.

Komredi Mbeto alisema ACT na CCM vyote vimeshiriki Uchaguzi Mkuu 2025, Dunia nzima ikishuhudia na wagombea Urais, Ubunge, Uwakilishi na Udiwani wa Vyama vyote waliomba kura wakapigiwa.

"Chama kilichoshinda kilitangazwa na Tume ya Uchaguzi Zanzibar hivyo ni makosa kudai kuna waliojiweka Madarakani"alisma Mbeto.

Katibu Mwenezi  huyo alisema CCM imekiita  kitendo cha Othman kupita akidai mshindi amejiweka madarakani,  madai hayo  ni porojo na pambio zisizo na uzito wowote .

"Wenzetu  kwa kutojua na  kutaka kuendekeza malumbano majukwaani wamekuwa  wakibeza maendeleo yanayofanyika ambayo wananchi kwa macho wanayaona mbaya zaidi bila wao kushiriki kutokana na kusua sua kwao  kushiriki katika Serikali ya Umoja wa Kitaifa" alisema na kuongeza kuwa bezo hizo zinawafanya wazidi kuporomoka kisiasa.

Mbeto alimtaka Othman akubali ukweli hakuwa na nguvu za kisiasa za  kumshinda mgombea Urais wa CCM, Dkt. Hussein Mwinyi,  ambaye tayari ameleta maendeleo  yaliyowaridhisha wananchi miaka mitano iliopita .

"Uchaguzi Mkuu wa Mwaka 2025 umeshafanyika na matokeo yametangazwa, kukaa na kudhani Uchaguzi Mkuu bado  haujafanyika ni kujidanganya mwenyewe. Uchaguzi umekwisha , mshindi amepatikana na ameshaunda serikali" alisema mwenezi Mbeto.






 




Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more