MBETO: DEMOKRASIA YA VYAMA VINGI 'ISILIPASUE' TAIFA


                                          Na Mwandishi  Wetu, Zanzibar 

Chama Cha Mapinduzi (CCM), kimeviasa Vyama vya Upinzani na kuvitaka vielewe maana ya  demokrasia ya Vyama Vingi si kuizuia Serikali isitimize wajibu wake au ihofie kuchukua hatua za Kisheria pale itakapobidi.

Kadhalika CCM kimeutaja ushindani wa kisiasa ikitaka uwe ni mchuano wa hoja  na sera, si kukithiri matusi au kupandikiza  hasama na chuki.

Hayo yametamkwa na Katibu wa Kamati Maalum ya NEC  Zanzibar,  Idara ya Itikadi, Uenezi na Mafunzo, Komredi Khamis Mbeto Khamis, Zanzibar leo 11 Mei 2026.

Mbeto ambaye yuko katika Msafara wa ziara inayoendelea ya Makamu Mwenyekiti  wa CCM Zanzibar, Rais Dk Hussein Ali Mwinyi, alisema inashangaza kwa baadhi ya viongozi wa upinzani  , wakisikika katika hotuba zao zikihamasisha hasama kwa lengo la  kulipasua au  kuligawa Taifa 

"Ushindani wa siasa za chuki, hasama na matusi si kielelezo cha ustaarabu wa  kisiasa. Tunawaonya wenzetu waache siasa zisizo na  manufaa kwao, kwetu na kwa jamii yetu kwa ujumla" alisema Mbeto.

Pia Katibu  Mwenezi  huyo alisema tabia ya  baadhi ya wanasiasa kutoa vitisho au madai  yasio na ushahidi, hakuthibitishi kupevuka kwao badala yake  wananchi huwapuuza.

"Huwezi  kubagaza utu  na heshima ya  wenzako kisha uachwe  ukitamba mitaani. Vyombo vya dola na vya kisheria vipo makini. Kutuhumu wenzako kwa masuala yasio na   ushahidi si uungwana" alisema Mwenezi huyo.

Alibainisha kuwa siasa ni ushindani wa kimantiki unaoshindanisha  hoja na sera, na inaeleweka kuwa  kazi ya upinzani ni kufichua uovu ndani ya utawala lakini kuwe na  ushahidi na vielelezo si kutamka matusi  mbele ya jamii.

"CCM haijawahi kuhofia  upinzani toka mwaka 1992. Walikuwepo kina  Mabere Marando, Chifu Fundikira, Mapalala, Maalim Seif, Oscar Kambona  na Mzee Mloo ambao hawakuwatusi watu, walitoa hoja na kujibiwa kwa nguvu ya  hoja" alitanabaisha Komredi Mbeto.

Aliwataja  waasisi hao wa mfumo wa vyama vingi na kubainisha kuwa walikuwa  wamekomaa na wajenzi wa hoja makini na waliojua  umuhimu wa   amani na umoja  bila kutoa vitisho au kueneza chuki za kisiasa.

Mbeto akirejea kauli ya Makamu Mwenyekiti wa CCM na Rais  wa Zanzibar kuhusu Serikali ya Ùmoja wa kiTaifa na mazungumzo ya kusaka muwafaka, alisema ipo wazi na ndio msimamo wa CCM kuwa ipo tayari kwa Serikali hiyo ambayo ipo kisheria kwa mujibu wa Katiba ya Zanzibar

Mwenezi huyo alienda mbali zaidi kwa kueleza kuwa kama kuna mazungumzo yatakuwa ni juu ya mambo yanayo husiana na Sheria iliyounda Serikali  ya Umoja wa kiTaifa na kama kutakuwa na ambayo hayapo sawa, yatahitaji maamuzi ya mamlaka husika kama Baraza la Wàwakilishi  na vyombo vingine vilivyowekwa na Katiba ya Zanzibar na Sheria zake.

"Huwezi kutaka mambo ambayo kwa mujibu wa Katiba yapo kwenye mamlaka ya Rais" alisema Mwenezi huyo.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more