MBETO: ACT WAKIKATAA SERIKALI UMOJA WA KITAIFA HATUWEZI KUWALAZIMISHA


                                            Na Mwandishi Wetu, Pemba

CHAMA Cha Mapinduzi (CCM), kimebainisha kuwa hakiwezi kuilazimisha ACT Wazalendo kupeleka jina la Makamu wa Kwanza na ya Mawaziri wanne ili kuunda Serikali ya Umoja wa Kitaifa (SUK) ili kuwatumikia wananchi na badala yake CCM kupitia Serikali yale itaendelea kufanya hivyo hadi watakapoungana nao kuwaletea maendeleo waliowapigia kura.


Katibu wa Kamati Maalum (NEC) Zanzibar Idara ya Itikadi, Uenezi na Mafunzo, Khamis Mbeto Khamis alisema SUK ni takwa la Katiba na inaundwa kulingana na mabadiliko ya 10 ya Katiba ya Zanzibar.

Alisema chini ya Sheria hiyo, chama kinachopata kuanzia asilimia 10 kinatoa Makamu wa Rais na idadi ya nafasi za Mawaziri inategemea idadi  ya Viti vya Uwakilishi walivyoshinda kwenye majimbo.

Kulingana na matokeo ya Uchaguzi Mkuu 2025, CCM kilishinda kwa asilimia 74.8 na ACT Wazalendo asilimia 23.22 inayowapa Umakamu wa Kwanza wa Rais na Mawaziri wanne ambao Wizara zao zimetajwa na Rais Dkt. Hussein Ali Mwinyi kuwa ni Waziri Ofisi ya Makamu wa Kwanza wa Rais, Viwanda na Maendeleo ya Biashara, Afya na Wizara ya Utalii na Mambo Kale ambazo hadi sasa zimekaimiwa na Mawaziri kutoka CCM wakati Serikali inasubiri majina kutoka ACT Wazalendo.

Akizungumza na wanahabari akiwa Mkoa wa Kusini Pemba, mara baada ya hitimisho la ziara Makamu Mwenyekiti wa CCM Zanzibar na Rais wa Zanzibar, Dkt. Mwinyi kuwashukuru viongozi na wanachama wa chama hicho, Mbeto alisema Serikali hiyo ni kwa Mujibu wa Katiba ambayo Rais Dkt. Mwinyi aliapa kuilinda.

"Uwepo wa Serikali ya Umoja wa Kitaifa ipo kikatiba na imeelekeza maeneo yake hivyo, mazungumzo hayawezi kuwa nje ya Sheria inayounda Serikali hiyo na ikitokea ikawa hivyo litahitajika kwenda kwa mapana zaidi bila kuathiri Katiba ya Zanzibar:" alisema Mbeto.

Alibainisha kuwa licha ya maslahi ya Taifa pia ya CCM lazima yazingatiwe na chama kimeshatoa angalizo na CCM haipo tayari kuburuzwa katika jambo ambalo litahusu mamlaka ya Rais na kinachofanyika kwa sasa ni kuwatumikia wananchi na  kutimiza ahadi za wakati wa uchaguzi mkuu 2025.

"Tunaendelea kuwatumikia wananchi, kutatua shida zao na kama wasipokuja tutaendelea kuwahudumia" alisema Mbeto.

Mwenezi huyo alirejea 2015 wakati Rais wa Serikali ya Mapinduzi na Makamu Mwenyekiti wa CCM akiwa Dkt. Ali Mohamed Shein chama hicho kilisusia uundwaji wa Serikali ya Umoja wa Kitaifa, lakini wananchi waliendelea kuhudumiwa.

 "CCM tunaitaka sana  Serikali ya Umoja wa Kitaifa lakini hatuwezi kuwabembeleza" alisema Mbeto na kuongeza kuwa shughuli za kuwahudumia wananchi na kutatua kero zao zinaendelea.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more