DKT MWINYI: WALIOHUSIKA UPOTEVU FEDHA ZA FIDIA WALIOPISHA MIRADI WAWAJIBIKE KABLA SERIKALI KUCHUKUA HATUA


Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema Serikali itaunda Kamati Maalum ya Uratibu kufuatilia mapendekezo yaliyowasilishwa na Tume ya Tathmini ya Masuala ya Fidia kwa Wananchi waliopisha miradi ya maendeleo katika maeneo mbalimbali hapa nchini.

Rais Dkt. Mwinyi ameyasema hayo 12 Mei 2026, alipokuwa akizungumza na Watendaji Wakuu wa Taasisi za Umma baada ya kupokea ripoti ya Tume hiyo katika hafla iliyofanyika Ikulu, Zanzibar.

Ameeleza kuwa Kamati hiyo itafanya kazi zake kwa kipindi cha miezi mitatu (3) kufuatilia mapungufu na changamoto zilizobainika katika ripoti ya Tume ya Fidia, ikiwemo malipo yasiyostahiki, upotevu wa fedha na kumbukumbu za malipo ya fidia, walengwa kulipwa ziada, kucheleweshwa kwa fidia, pamoja na baadhi ya wananchi kutokuondoka katika maeneo husika licha ya kulipwa fedha stahiki, huku wengine wakiendeleza ujenzi baada ya kulipwa fidia zao.

Rais Dkt. Mwinyi amesema ni lazima watendaji na watu wote waliotajwa katika ripoti hiyo, na ambao hatimaye watathibitika kufanya udanganyifu na kuisababishia Serikali hasara kwa kupoteza fedha nyingi, wawajibike kabla Serikali haijawachukulia hatua za kisheria.



Aidha, amesisitiza kuwa fedha zote zilizopotea lazima zirejeshwe Serikalini.

Rais Dkt. Mwinyi ameielekeza Mamlaka ya Kuzuia Rushwa na Uhujumu wa Uchumi Zanzibar (ZAECA) kulifanyia kazi suala la udanganyifu na upotevu wa fedha za umma kupitia fidia, pamoja na kupitia kumbukumbu zote za malipo zilizopotea ili kubaini wahusika na fedha ambazo zimebainika kutotumika kulipa fidia. Amesema watendaji wote waliohusika kupoteza kumbukumbu hizo wachukuliwe hatua za kisheria.

Aidha, Rais Dkt. Mwinyi amesema Serikali imepokea pendekezo lililotolewa na Tume ya Tathmini ya Fidia la kuundwa kwa Mfuko Maalum wa Fidia kwa ajili ya wananchi wanaostahiki kulipwa fidia wanapopisha miradi ya maendeleo, akieleza kuwa hatua hiyo itasaidia kudhibiti upotevu wa fedha za Serikali.

Ameitaka Wizara ya Ujenzi na Uchukuzi kuwa na mpango na muundo maalum wa aina ya majengo yatakayojengwa pembezoni mwa barabara, pamoja na kudhibiti ujenzi holela na matumizi mabaya ya njia za watembea kwa miguu katika barabara zote.

Dkt. Mwinyi pia ameagiza Tume ya Mipango Zanzibar kupitia kumbukumbu za fidia zilizolipwa kwa wananchi waliopisha miradi ya maendeleo ili kubaini uhalali wake pamoja na watu waliolipwa. Aidha, ameiagiza Wizara ya Nchi, Afisi ya Rais, Tawala za Mikoa, Serikali za Mitaa na Idara Maalum za SMZ kupitia vikosi vyake kuwa na utaratibu maalum wa kulinda miundombinu ya miradi ya maendeleo kwa lengo la kuepusha hujuma zinazofanywa kwa makusudi.

Rais Dkt. Mwinyi amepongeza kazi kubwa iliyofanywa na Tume ya Tathmini ya Masuala ya Fidia kwa Wananchi waliopisha miradi ya maendeleo katika maeneo mbalimbali nchini na kueleza kuwa ripoti hiyo ni miongoni mwa ripoti bora zilizowahi kuwasilishwa Serikalini.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more