DKT. MWINYI: AZUNGUMZA, AWASHUKURU WAZEE CCM KISIWANDUI, IKULU ZANZIBAR


Na Mwandishi Wetu, Zanzibar

MAKAMU Mwenyekiti wa Chama Cha Mapinduzi (CCM) Zanzibar, Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema Serikali itaendelea kutekeleza miradi mikubwa ya kimkakati ya maendeleo kwa lengo la kuijenga nchi na kuandaa maisha bora kwa wananchi.

Dkt. Mwinyi ameyasema hayo leo, 16 Mei 2026, alipokutana na Baraza la Wazee wa Afisi Kuu ya Chama Cha Mapinduzi (CCM) Zanzibar katika mkutano maalum wa kutoa shukrani baada ya kumalizika kwa Uchaguzi Mkuu wa 2026, hafla iliyofanyika Ikulu, Zanzibar.

_Makamu Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi, Hussein Ali Mwinyi, akizungumza na Baraza la Wazee wa Ofisi Kuu ya CCM, Kisiwandui Zanzibar katika mkutano maalum wa kutoa shukrani baada ya kumalizika kwa Uchaguzi Mkuu wa 2026 Ikulu, leo tarehe 16 Mei, 2026._

Makamu Mwenyekiti, Dkt. Hussein Ali Mwinyi, ameeleza kuwa kazi muhimu iliyobakia ni kuyatekeleza kwa vitendo mambo yote yaliyoainishwa katika Ilani ya CCM ili yawe yamekamilika ifikapo mwaka 2030.

_Makamu Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi, Hussein Ali Mwinyi, akikabidhiwa zawadi ya kasha na viongozi wa Baraza la Wazee wa Ofisi Kuu ya CCM, Kisiwandui Zanzibar mara baada ya mkutano huo.._

Akizungumzia miradi inayoendelea ya ujenzi, amesema nia ya Serikali ni kujenga nyumba za kisasa kwa ajili ya makaazi ya wananchi na kuwaondoa katika majengo chakavu yaliyotumika kwa zaidi ya miaka 60 ambayo hayana usalama tena.

_Makamu Mwenyekiti wa Chama Cha Mapinduzi Zanzibar, Rais wa Zanzibar na Mwenyekiti wa Baraza la Mapinduzi, Hussein Ali Mwinyi, akiwa katika picha ya pamoja na viongozi wa chama pamoja na Baraza la Wazee wa Ofisi Kuu ya CCM, Kisiwandui, mara baada ya mazungumzo yao, Ikulu, Zanzibar._

Aidha, ameeleza dhamira ya Serikali ya kuendelea na miradi zaidi katika sekta mbalimbali za kiuchumi na kijamii ikiwemo sekta ya afya, elimu, miundombinu, mawasiliano, bandari, barabara, viwanja vya ndege pamoja na nyumba za maendeleo za kisasa.

_Makamu Mwenyekiti wa Chama Cha Mapinduzi Zanzibar, Rais wa Zanzibar na Mwenyekiti wa Baraza la Mapinduzi, Hussein Ali Mwinyi, akiwa katika picha ya pamoja na viongozi wa Baraza la Wazee wa Ofisi Kuu ya CCM, Kisiwandui, mara baada ya mazungumzo yao, Ikulu, Zanzibar._

Akizungumzia suala la Serikali ya Umoja wa Kitaifa, Makamu Mwenyekiti, Dkt. Mwinyi, amesema majadiliano na Chama cha ACT-Wazalendo yanaendelea vizuri na kwamba Chama Cha Mapinduzi kinazingatia maslahi ya chama hicho pamoja na Taifa kwa ujumla. Amebainisha kuwa lengo kuu ni kuwa na nchi tulivu yenye amani, umoja na kuondoa chuki miongoni mwa wananchi.

Akiwasilisha salamu za wazee, Mjumbe wa Baraza la Wazee wa CCM Zanzibar, Ndg. Waziri Mbwana Ali, amesema Baraza hilo limempongeza Makamu Mwenyekiti CCM Zanzibar, Dkt. Mwinyi, kwa kuimarisha umoja na utulivu wa nchi pamoja na kuleta maendeleo makubwa na dhamira ya kimkakati ya kuifungua Pemba.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more