DKT MWINYI: CCM IPO TAYARI KWA SERIKALI YA UMOJA WA KITAIFA

                                        Na Mwandishi Wetu, Zanzibar

MAKAMU Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amewahakikishia wanachama wa Chama Cha Mapinduzi (CCM) kuwa mazungumzo ya kuunda Serikali ya Umoja wa Kitaifa na Chama cha ACT-Wazalendo yanaendelea, na kwamba CCM itasimamia ipasavyo maslahi ya Chama hicho pamoja na Taifa kwa ujumla.

Makamu Mwenyekiti, Dkt. Mwinyi, ameyasema hayo leo tarehe 09 Mei 2026 alipokuwa akizungumza na viongozi na wanachama wa CCM Mkoa wa Kaskazini Unguja katika mkutano wa kutoa shukrani baada ya Uchaguzi Mkuu, mkutano huo umefanyika katika Ofisi ya Chama hicho Mahonda.


Ameeleza kuwa CCM itaendelea kusimamia kwa umakini na busara mchakato huo, huku ikijielekeza katika kulinda na kuendeleza maslahi ya Chama na Taifa kwa ujumla, na kwamba CCM ipo tayari kushiriki katika kuunda Serikali hiyo.

Amesema ni vema viongozi na wanachama kujitathmini baada ya uchaguzi na kutobweteka, bali kujipanga kwa ajili ya Uchaguzi wa mwaka 2030 pamoja na uchaguzi wa ndani wa Chama hicho, sambamba na kuzifanyia kazi changamoto zilizojitokeza wakati wa Uchaguzi wa mwaka 2025.

Dkt. Mwinyi, ameyataja mambo matano yanayopaswa kufanyiwa kazi kwa lengo la kukiimarisha Chama hicho ambayo ni tathmini baada ya uchaguzi, umoja ndani ya Chama, maadili ya uongozi, utekelezaji wa Ilani pamoja na suala la uchumi ndani ya Chama, sambamba na kudumisha amani nchini.

Akizungumzia utekelezaji wa Ilani, amesema CCM imejipanga na inaendelea kufanya vizuri katika eneo hilo kwa kufanikisha miradi mbalimbali ya maendeleo, na kwamba itaendelea kutoa ahadi zinazotekelezeka huku akiwataka wanachama na wananchi kuendelea kukiamini Chama hicho.

Akizungumzia uchumi, Makamu Mwenyekiti, Dkt. Hussein Ali Mwinyi, amesema uchumi wa Zanzibar unaendelea kuimarika kutokana na kuboreshwa kwa miundombinu ya bandari, tatizo alilolielezea kuwa lilikuwa changamoto kubwa kwa sekta ya usafiri na usafirishaji baharini.

Pia ametaja changamoto nyingine kuwa ni uhaba wa umeme na kueleza kuwa Serikali inaendelea kuchukua juhudi za kuhakikisha upatikanaji wa umeme mbadala ikiwemo umeme wa jua, upepo na gesi asilia.


Kuhusiana na uchumi ndani ya Chama, Dkt. Mwinyi ameshauri kuwepo kwa vyanzo vya fedha ili Chama kiweze kujitegemea na kujiendesha kwa kutumia rasilimali zake pamoja na fursa za kiuchumi zilizopo, ikiwemo kuwa na maeneo mengi yanayoweza kufanyiwa miradi mbalimbali.






Kuhusiana na maadili ndani ya Chama Cha Mapinduzi, Dkt. Mwinyi amefahamisha kuwa maadili bado yanalegalega na kutoa wito kwa viongozi na wanachama kuyashughulikia bila ya kumuonea mtu, sambamba na kuepukana na makundi ndani ya Chama.


Akihitimisha hotuba yake, Makamu Mwenyekiti wa CCM Zanzibar, Dkt. Hussein Ali Mwinyi, amewahimiza viongozi na wanachama wa CCM kujipanga vema kwa ajili ya kuimarisha uhai wa Chama hicho katika ngazi zote.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more