DKT. MWINYI: AWASHANGAA WANAOMTAKA AVUNJE KATIBA KWA KUONGEZA KIPINDI CHA URAIS ZANZIBAR


                                           Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapionduzi, Dkt. Hussein Ali Mwinyi anasema anashangaa na haelewi sababu zao watu ambao wanamtaka avunje Katiba ya Zanzibar  na aongeze kipindi cha uongozi wake madarakani.


Akizungumza 23 Mei 2026, wakati akifungua Mkutano wa Jukwaa la Wakuu wa Taasisi na Mashirika ya Umma, Zanzibar Chairpersons & CEO’s Forum 2026, Rais Dkt. Mwinyi, ametaka mijadala hiyo ambayo inasikika mitaani na kwenye Baraza la Wawakilishi isitishwe mara moja.


“Hivi karibuni kumekuwa na mijadala sana kuhusu kuongeza kipindi cha uongozi, sijui sababu yake ni nini?, ndio kwanza tumeanza tuna miezi sita tu, maneno yamesha anza, Baraza la Wawakilishi nayasikia, mitaani nayasikia leo Kirobo (Msanii wa vichekesho) hapa anasema hayo hayo” alisema Dkt. Mwinyi.

Alibainisha kuwa yeye na wenzake wameapa kuilinda Katiba ya Zanzibar  kwa hivyo hawataweza kufanya vinginevyo na kushangaa wasiwasi wa Urais unatokana na nini kwani bado kuna miaka minne na nusu ya kuwatumikia wananchi na baada ya hapo atakabidhi madaraka kwa mwingine.

“ Huu wasiwasi unatokana na nini? Mbona tuna miaka minne na nusu mizuri tu ya kufanyakazi, tumuombe mwenyezi Mungu uhai na uzima atuwezeshe kutekeleza majukumu yetu” alisema Rais Dkt. Miwnyi.


Alibainisha kuwa hana shaka kwamba na walipoanzia na mbele ya safari kutaendelezwa zaidi ili Zanzibar ipate maendeleo ambayo kila mmoja anayatarajia na kusisitiza kuwa mjadala huo si wakati wake kabisa na  hauna nafasi.


“Kule Baraza la Wawakilishi kuna mambo mengi ya kujadili ya kimaendeleo, ni vema tukajadili hayo tuache jambo hili ambalo kwa kweli halina tija” alisema na kuwataka wasimamizi wa mashirika ya umma na taasisi zake zijipange kutoa gawio serikalini.



Rais Mwinyi ameyataka mashirika ya umma na taasisi za serikali zihakikishe zinafanya vizuri na kuondokana na ruzuku kutoka serikalini na yatapewa muda ili yajipange na yatakayoshindwa kufikia malengo, hakutakuwa na haja ya kuwa nayo.


“Hatuna haja ya kuwa na mashirika kama hayo ambayo yanainyonya serikali badala ya kuipa kulipa gawio serikalini” alisema Raisi Dkt. Mwinyi na kuongeza kuwa serikali itaendelea kusimia utekelezaji wa Dira ya Taifa 2050.
 
 











Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more