DKT. MWINYI: TUMEANZA UJENZI NYUMBA 5,000 ZA WENYE MAKAZI CHAKAVU ZANZIBAR


Na Mwandishi Wetu, Pemba

MAKAMU Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema Serikali inakusudia kujenga nyumba 5,000 za makaazi kwa ajili ya wananchi wa Unguja na Pemba ndani ya miaka mitano.

_Makamu Mwenyekiti wa Chama Cha Mapinduzi (CCM) Zanzibar, Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akizungumza na viongozi na wanachama wa chama hicho Mkoa wa Kaskazini, Pemba katika Ukumbi wa Mikutano wa Wete, 13 Mei, 2026._

Rais Dkt. Mwinyi ameyasema hayo 13 Mei 2026, alipozungumza na wanachama wa Chama Cha Mapinduzi (CCM) Mkoa wa Kaskazini Pemba katika mkutano maalum wa kutoa shukrani baada ya kumalizika kwa Uchaguzi Mkuu wa mwaka 2025, hafla iliyofanyika katika Ukumbi wa Mikutano wa Wete, Mkoa wa Kaskazini Pemba.

Amefahamisha kuwa Serikali imeweka mkazo maalum katika ujenzi wa nyumba hizo za maendeleo ili kuwaondoa wananchi wanaoendelea kuishi katika nyumba chakavu na zisizo na ubora zinazohatarisha usalama wao.

_Baadhi ya wana CCM, wakimshangilia, Makamu Mwenyekiti wa chama hicho Zanzibar ambaye pia ni Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, alipozungumza na viongozi na wanachama wa chama hicho Mkoa wa Kaskazini, Pemba katika Ukumbi wa Mikutano wa Wete, 13 Mei, 2026._

Aidha, Dkt. Mwinyi amesema nyumba za zamani zilizojengwa zaidi ya miaka 62 baada ya Mapinduzi ya Zanzibar hazifai tena kwa makazi, akizitaja nyumba za Michenzani, Bambi, Micheweni na Kilimani, huku akieleza kuwa ujenzi huo tayari umeanza katika nyumba za Kikwajuni, Mkoa wa Mjini Magharibi.

Makamu Mwenyekiti Dkt. Mwinyi amesema mradi huo wa nyumba 5,000 za makazi utatekelezwa na Shirika la Nyumba la Zanzibar baada ya Serikali kuliwezesha kuwa na uwezo mkubwa pamoja na utaalamu wa kutosha.

_Viongozi na wanachama wa chama hicho Mkoa wa Kaskazini, Pemba wakifuatilia mkutano huo katika Ukumbi wa Mikutano wa Wete, 13 Mei, 2026._

Dkt. Mwinyi amewahimiza wanachama kutimiza wajibu wao wa kukiimarisha Chama hicho kwa kuacha makundi ya uchaguzi katika kila ngazi, pamoja na kuhimiza kurejeshwa kwa madarasa ya itikadi kwa lengo la kuwaelimisha wanachama wajibu wao sambamba na kuingiza wanachama wapya.

Aidha, amehimiza Chama kuwa na uchumi imara kwa kuanzisha miradi mikubwa yenye tija kwa kutumia rasilimali za ndani za Chama Cha Mapinduzi katika kila wilaya na mkoa.

_Makamu Mwenyekiti wa Chama Cha Mapinduzi (CCM) Zanzibar, Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akipokea zawadi maalum kutoka kwa Mwenyekiti wa CCM Mkoa wa Kaskazini Pemba, Mzee Mberwa Hamad, mara baada ya mkutano huo wa kutoa shukrani kwa wanachama wa CCM Mkoa wa Kaskazini Pemba.._

Makamu Mwenyekiti wa CCM Zanzibar, Mhe. Dkt. Hussein Ali Mwinyi, amehitimisha ziara yake ya kutoa shukrani kwa wanachama baada ya Uchaguzi Mkuu wa mwaka 2025, iliyoanza 09 Mei hadi 13 Mei 2026.

Ziara hiyo ilianza Mkoa wa Kaskazini Unguja, ikifuatiwa na Mkoa wa Mjini Kichama, kisha kuendelea katika Mkoa wa Kusini Unguja na Mkoa wa Magharibi Kichama kwa upande wa Unguja. Aidha, ziara hiyo imehitimishwa Kisiwani Pemba kwa kutembelea Mkoa wa Kusini Pemba na hatimaye Mkoa wa Kaskazini Pemba.


Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more