UFUMBUZI CHANGAMOTO MUUNGANO KUTILIWA MKAZO


Na Mwandishi Wetu, Zanzibar

 MAKAMJ Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi amesema Serikali zote mbili za SMZ na SMT zitaendelea kuweka mkazo maalum katika kumaliza changamoto za Muungano ambazo bado hazijapatiwa ufumbuzi.

Amesema kuwa Serikali zitaendelea kufanya vikao na majadiliano kwa lengo la kuzipatia ufumbuzi changamoto ambazo bado ni kikwazo kwa Muungano, aliouelezea kuwa wa kipekee duniani.

RaIs Dkt. Mwinyi, ameyasema hayo leo tarehe 26 Aprili 2026 katika kongamano la kuadhimisha miaka 62 ya Muungano wa Tanganyika na Zanzibar lililoandaliwa na Umoja wa Vijana wa CCM (UVCCM), lililofanyika katika Chuo cha Vijana Tunguu, Mkoa wa Kusini Unguja. 

Amefahamisha kuwa miaka 62 ya Muungano imeleta mafanikio makubwa kwa pande zote mbili za Muungano katika nyanja za kisiasa, kijamii na kiuchumi, na kuwasisitiza Watanzania kuuenzi na kuudumisha Muungano kwa manufaa ya Taifa.

Makamu Mwenyekiti, Dkt. Mwinyi, amempongeza Mwenyekiti wa CCM Taifa, Mhe. Dkt. Samia Suluhu Hassan, kwa utayari wake wa kuendeleza dhamira na malengo ya Muungano kama ulivyoasisiwa na Hayati Mwalimu Julius Kambarage Nyerere na Hayati Sheikh Abeid Amani Karume mwaka 1964, na kuendelezwa na viongozi wa awamu zilizofuata.

Dkt. Mwinyi amewahimiza Watanzania, hususan vijana, kuona umuhimu wa kulinda amani na kuepuka vishawishi vya uvunjifu wa amani, pamoja na kuudumisha Muungano ambao ni ngao muhimu ya umoja, mshikamano na udugu. 

                         

Aidha, amesisitiza kuwa Muungano una mchango mkubwa katika kuimarisha amani na utulivu wa nchi, huku akiwahakikishia kuwa Serikali zote mbili zitaendelea kuendeleza juhudi za kutatua changamoto zinazowakabili vijana nchini.

Ameeleza kuwa Serikali zote mbili chini ya usimamizi wa Chama Cha Mapinduzi (CCM), zimeunda wizara maalum na kuweka mkazo mkubwa katika kushughulikia changamoto mbalimbali zinazowakabili vijana, pamoja na kutenga fedha maalum kwa ajili ya kuwawezesha kupitia fursa mbalimbali zilizopo nchini, ikiwemo ajira, nafasi za uongozi na kuboresha mitaala ya elimu ili vijana waweze kuajirika au kujiajiri.

Akihitimisha hotuba yake, Makamu Mwenyekiti wa CCM Zanzibar, Dkt. Hussein Ali Mwinyi, ametoa wito kwa vijana kuendelea kutumia fursa zilizopo kisiasa, kijamii na kiuchumi, na kuwahakikishia kuwa Serikali itaendelea kutekeleza mambo yote aliyowaahidi wakati wa kampeni za uchaguzi.

Dkt. Mwinyi pia ameupongeza Umoja wa Vijana wa CCM kwa kuona umuhimu wa kuandaa kongamano hilo la kuadhimisha miaka 62 ya Muungano, wakati huu ambapo nchi inaendelea kushuhudia mafanikio na maendeleo makubwa ya kisiasa, kijamii na kiuchumi, pamoja na kudumisha amani na utulivu.

Mwenyekiti wa CCM Taifa, ambaye pia ni Rais wa Jamhuri ya Muungano wa Tanzania, Mhe. Dkt. Samia Suluhu Hassan, akizungumza katika kongamano hilo la kuadhimisha miaka 62 ya Muungano wa Tanganyika na Zanzibar, amewasisitiza vijana kuimarisha mshikamano kwani ndio nguzo muhimu ya kuimarika kwa Muungano, umoja na amani ya Taifa.

Kongamano hilo lilifunguliwa na Mwenyekiti wa CCM, Mhe. Dkt. Samia Suluhu Hassan, sambamba na kufunga mafunzo ya uongozi na uzalendo kwa makatibu na wasaidizi makatibu wa UVCCM.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more