SAFARI ZA NDEGE MOJA KWA MOJA ZANZIBAR, ITALIA KUONGEZEKA JUNI 2026

                                        Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amemshukuru Balozi wa Italia nchini Tanzania, Giuseppe Sean Coppola, kwa kuendelea kuimarisha na kupanua uhusiano wa kihistoria na kidiplomasia kati ya Zanzibar na Italia, kwa kuzingatia ushirikiano katika sekta mbalimbali ikiwemo utalii.

Rais Dkt. Mwinyi ameyasema hayo leo tarehe 20 Aprili 2026, alipokutana na Balozi wa Italia nchini Tanzania, Giuseppe Sean Coppola, aliyefika Ikulu Zanzibar kwa mazungumzo maalum, akiwa ameambatana na Balozi Mdogo wa Heshima wa Italia Zanzibar, Stephano Totisco.

0

 ___Rais Dkt. Mwinyi akisiitiza jambo wàkati wa mazungumzo yake na Balozi wa Italia nchini Tanzania, Giuseppe Sean Coppola.

Rais Dkt. Mwinyi amesema kuwa kuongezeka kwa safari za Shirika la Ndege la Italia la NEOS kutoka tatu hadi kufikia tano kuanzia Juni 2026, ambapo shirika hilo linatarajiwa kuunganisha miji ya Bari na Catania na Zanzibar kupitia safari za moja kwa moja za ndege, kutaimarisha zaidi sekta ya utalii Zanzibar na kuongeza idadi ya watalii wanaotembelea Zanzibar.

Aidha, amesema Serikali imejikita katika kuboresha maeneo ya kihistoria yanayotumika kwa matamasha kama Ngome Kongwe, hivyo Zanzibar ipo tayari kuwa mwenyeji wa tamasha la muziki linaloandaliwa na Ubalozi wa Italia nchini Tanzania.


 ___Rais Dkt. Mwinyi akiwa katika picha ya pamoja na Balozi wa Italia nchini Tanzania, Giuseppe Sean Coppola___

Tamasha hilo litawaleta wanamuziki wa asili na ngoma kutoka Italia, likilenga kuimarisha zaidi uhusiano wa kitamaduni kati ya pande hizo mbili.

Kwa upande wake, Balozi wa Italia nchini Tanzania, Giuseppe Sean Coppola, amempongeza Rais Dkt. Mwinyi kwa mafanikio makubwa yanayoonekana Zanzibar, hususan katika uimarishaji wa miundombinu muhimu ikiwemo ujenzi na uboreshaji wa barabara, shulei pamoja na masoko ya kisasa, hatua zinazochochea maendeleo ya kiuchumi na kuboresha maisha ya wananchi.

 ___Rais Dkt. Mwinyi akipokea zawadi kutoka kwa balozi huyo wa Italia,Balozi Giuseppa Sean Coppola.___

Kuhusu sekta binafsi, Balozi Giuseppe Sean Coppola amesema kuwa Jukwaa la Biashara kati ya Umoja wa Ulaya na Tanzania (European Union–Tanzania Business Forum) linalotarajiwa kufanyika Jijini Dar es Salaam mwakani 2027, litakuwa na ajenda inayolenga zaidi kuendeleza sekta ya kilimo-biashara na mageuzi ya kidijitali, sambamba na maeneo mengine muhimu yenye maslahi ya pamoja.

 ___Rais Dkt. Mwinyi akiwa katika picha ya pamoja na Balozi wa Italia nchini Tanzania, Giuseppe Sean Coppola (kushoto) ambaye aliambatana na Balozi Mdogo wa Heshima wa Italia Zanzibar, Stephano Totisco.___

Jukwaa hilo linatarajiwa kufungua fursa mpya za uwekezaji, kuimarisha ushirikiano kati ya sekta binafsi za pande zote, kukuza biashara na kuongeza ajira na thamani ya mazao.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, akiagana na mgeni wake mara baada ya mazungumzo yao._ 

_ 


Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more