RAIS DKT. MWINYI: TUTAENDELEA KUSHIRIKIANA NA WHO


 Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema Zanzibar itaendelea kushirikiana na Shirika la Afya Duniani (WHO) ili kuhakikisha mafanikio zaidi yanapatikana katika kuimarisha utoaji wa huduma za afya nchini.

Rais Dkt. Mwinyi ameyasema hayo leo tarehe 09 Aprili 2026 alipokutana na ujumbe wa wataalamu kutoka Shirika la Afya Duniani, wakiongozwa na Mkurugenzi wa Shirika hilo Kanda ya Afrika, Profesa. Mohamed Yakub Janabi, waliowasili Ikulu Zanzibar.

_Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amekutana na ujumbe wa wataalamu kutoka Shirika la Afya Duniani, wakiongozwa na Mkurugenzi wa Shirika hilo Kanda ya Afrika, Profesa Mohamed Yakub Janabi, katika mazungumzo yaliyofanyika katika Ukumbi wa Ikulu Zanzibar._

Rais Dkt. Mwinyi amesema licha ya mafanikio yaliyofikiwa na Zanzibar katika nyanja mbalimbali, ikiwemo mapambano dhidi ya malaria na kupunguza vifo vya kina mama na watoto, bado kuna haja ya kuungwa mkono na wadau, mashirika na taasisi za kimataifa, hususan kifedha, teknolojia pamoja na mafunzo kwa watendaji wa sekta ya afya.

Aidha, ameihakikishia WHO kuwa Serikali imekuwa ikifanya juhudi za makusudi kuhakikisha inaendelea kutumia rasilimali za ndani kukabiliana na changamoto za kiafya, huku ikiendelea kutafuta wadau na washirika wa maendeleo wa kimataifa ili kuimarisha sekta hiyo.

_Mkurugenzi wa Shirika hilo Kanda ya Afrika, Profesa Mohamed Yakub Janabi, akisisitiza jambo wakati wa mazungumzo hayo._

Rais Dkt. Mwinyi amebainisha kuwa Serikali imeweka kipaumbele katika kudhibiti na kukabiliana na maradhi yasiyoambukiza (NCDs), kuimarisha afya ya uzazi kwa mama na mtoto, pamoja na kuwajengea uwezo wauguzi wa ngazi ya jamii kupitia mafunzo, ambao wamekuwa sehemu muhimu ya mafanikio ya sekta ya afya.

Aidha, ameeleza kuridhishwa na misaada na mchango mkubwa unaotolewa na Shirika la Afya Duniani (WHO), ambao kwa kiasi kikubwa umechangia mafanikio yanayopatikana Zanzibar katika kukabiliana na changamoto mbalimbali za kiafya.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akiagana Mkurugenzi wa Shirika la Afya Ulimwenguni (WHO), Kanda ya Afrika, Profesa Mohamed Yakub Janabi, baada ya mazungumzo yao, Ikulu, Zanzibar._

Naye Mkurugenzi wa Shirika la Afya Duniani Kanda ya Afrika, Profesa. Mohamed Yakub Janabi, amesema Shirika hilo litaendelea kushirikiana na Zanzibar katika juhudi zake za kuimarisha sekta ya afya ili kufikia malengo na vipaumbele vyake, hususan katika kudhibiti maradhi mbalimbali.

Wataalamu hao wa WHO wamesifu hatua ya Serikali ya Mapinduzi ya Zanzibar ya kuelekeza bajeti yake ya ndani katika kuimarisha sekta za afya, elimu na huduma za kijamii, wakieleza kuwa ni mfano bora kwa nchi nyingine nyingi za Kanda ya Afrika.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more