RAIS DKT. MWINYI ATAKA MABALOZI KUTANGAZA DIPLOMASIA YA KIUCHUMI UGHAIBUNI


                                          Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amewasisitiza mabalozi wanaoenda kuiwakilisha Tanzania katika mataifa mbalimbali kuweka kipaumbele katika kuzingatia diplomasia ya kiuchumi kwa kutangaza fursa za uwekezaji zilizopo nchini.

Rais Dkt. Mwinyi ameyasema hayo, 08 Aprili 2026, alipokutana na mabalozi hao waliofika Ikulu, Zanzibar, kumuaga kabla ya kwenda katika vituo vyao vya kazi.

Rais Dkt. Mwinyi amewahimiza mabalozi hao kutekeleza majukumu yao kwa kuzingatia maslahi ya pande zote mbili za Muungano, pamoja na kuweka kipaumbele katika utekelezaji wa sera kuu ya diplomasia ya uchumi.

_Rais Dkt. Hussein Ali Mwinyi akizungumza na mabalozi waliofika Ikulu Zanzibar kujitambulisha kabla ya kuelekea katika vituo vyao vya kazi, Aprili 08, 2026._

Aidha, amewaeleza mabalozi hao kuwa kwa upande wa Zanzibar, sera kuu ni Uchumi wa Buluu unaoambatana na utalii, hivyo ni vema wakaweka mkazo katika kuwashawishi wawekezaji kutoka mataifa hayo kuja kuwekeza nchini, kwani fursa zipo nyingi katika maeneo mbalimbali ya uwekezaji.

Rais Dkt. Mwinyi amebainisha kuwa Zanzibar iko tayari kupokea wawekezaji, hususan katika uwekezaji wa miundombinu ikiwemo bandari, viwanja vya ndege, barabara, uvuvi na utalii.

Eneo jengine ambalo Rais Dkt. Mwinyi amesisitiza ni upatikanaji wa wafanyabiashara na wawekezaji katika zao la mwani, pamoja na wale watakaowekeza katika ununuzi na uongezaji thamani wa zao la karafuu.

Vilevile, Rais Dkt. Mwinyi amewahakikishia mabalozi hao kuwa Serikali itaweka mfumo mzuri zaidi wa mawasiliano ili kuondoa urasimu kwa wawekezaji na kuongeza ufanisi. Aidha, amewapongeza na kuwatakia kila la heri katika utekelezaji wa majukumu yao.

Naye Balozi wa Tanzania nchini Sweden, Balozi Swahiba Mndeme, akizungumza kwa niaba ya mabalozi hao, amemuhakikishia Rais Dkt. Mwinyi kuwa wameyapokea na watayatekeleza maelekezo yake kwa vitendo na kuitangaza kikamilifu diplomasia ya uchumi.

_Rais Dkt. Hussein Ali Mwinyi akizungumza na mabalozi waliofika Ikulu Zanzibar kujitambulisha kabla ya kuelekea katika vituo vyao vya kazi, Aprili 08, 2026. Picha zote na Ikulu, Zanzibar__

Mabalozi walioaga ni Balozi Mhandisi Zena Ahmed Said (Saudi Arabia), Balozi Cyprian John Luhemeja (Zambia), Balozi Maulidah Bwanaheri Hassan (Oman), Balozi Salim Othman Hamad (Comoros), Balozi Swahiba Habib Mndeme (Sweden), Balozi Noel Emmanuel Kaganda (Korea) na Balozi Mussa Haji Ali, Naibu Mwakilishi wa Kudumu Umoja wa Mataifa, New York.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more