MBETO: MUUNGANO TANGANYIKA, ZANZIBAR NI AZIMIO LA ACCRA 1958

             

                                            Na Mwandishi Wetu, Zanzibar

CHIMBUKO la Muungano wa Tanganyika na Zanzibar linatajwa kuwa ni azimio la mkutano wa wapigania Uhuru wa nchi za Afrika, waliokutana Accra, nchini Ghana 1958, Rais wa Kwanza wa Zanzibar, Hayati Abeid Amani Karume akiwa mmoja wao.

Azimio hilo lilifikiwa katika mkutano wa viongozi wapigania uhuru wa Afrika walipokutana nchini humo mwenyeji wao akiwa Rais wa Ghana wakati huo, Kwame Nkrumah.

Katika mkutano huo, anasema Komredi Mbeto moja ya maazimio ya nchi za Afrika ilikuwa kuendelea kupigania uhuru na ukipatikana waungane.

“Miezi mitatu baada ya Mapinduzi ya Zanzibar Mzee Karume akaanza, akamwambia Mzee Mwalimu Julius Kambarage Nyerere tuungane akiakisi azimio la Accra” anasema Mbeto.

Pia Muungano na Tanganyika upande mwingine Hayati Karume aliutaka ili kuimarisha umoja na kuzidi kuimarisha ulinzi na usalama wa Zanzibar.

Kipindi hicho cha baada ya mapinduzi ya wananchi yaliyoratibiwa na vijana wa Afro Shiraz Party na kuung’oa utawala wa kisultani, kulikuwa bado 

kuna viashiria vya watu kutaka kupindua hali ambayo ilionwa kitambo na wapigania uhuru hao na kuwa na azimio la Accra kuitaka nchi za Afrika zinazopata uhuru kuungana ili kuweza kujiimarisha kiulinzi na kiusalama.

Mwenezi huyo akiuelezea zaidi dhana ya mapinduzi, anasema uzoefu unaonyesha siku zote yanapofanikiwa popote Duniani huwa yameungwa mkono na wananchi na ndivyo yalivyokuwa ya Zanzibar.

“Hayati Karume kutokana na kuwa mtu wa watu, mara nyingi alikuwa akitoka Ikulu na kwenda zilipokuwa Ofisi za Afro Shiraz (sasa Ofisi Kuu CCM Kisiwandui) ambako aliwasikiliza wananchi na kucheza Dhumna na wenzake”anasema Mbeto.

Anabainisha huo ndio ulikuwa utaratibu wake hadi ilipofika 07 Aprili 1972 majira ya jioni, watu wanaodaiwa wapinga maendeleo na umoja wa waZanzibari, wakamuua Rais Abeid Amani Karume ambaye leo 07 Aprili 2026 ni kumbukizi ya miaka 54 toka kifo chake.

Mbeto anabainisha kuwa Ofisi Kuu ya CCM Kisiwandui, kumbukumbu zipo za matundu ya risasi zilizomuua Hayati Karume na kuwajeruhi wenzake, picha na majina ya waliokuwa wakicheza nae dhumna na ana enziwa kutokana kama Rais pekee aliyeleta mapinduzi ya maendeleo Zanzibar.

Serikali ya Mapinduzi Zanzibar (SMZ), chini ya Rais Dkt. Hussein Mwinyi inatimiliza kwa vitendo yote ambayo Hayati Karume aliyataka kwa wananchi wake ikiwemo makazi bora na ya kisasa, huduma za afya na elimu bila malipo kwa waZanzibari wote.

Mwenezi huyo anasema pamoja na mambo mengine, Hayati Rais Karume ambaye awali alikuwa kuli wa kubeba mizigo bandarini na baadae kuwa baharia na kusafiri takribani nchi zote ulimwenguni, alikuwa ni kiongozi wa namna yake Afrika.

“Walio wengi wanamtaja Rais huyo wakimhusisha na Mapinduzi na Muungano pekee lakini amefanya mambo mengi kupitia jumuia za kijamii kabla na baada ya mapinduzi katyika sekta takribani zote ikiwemo michezo” anasema Komredi Mbeto.

 

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more