MBETO: KUNA HOMBWE LA VIJANA KUTAKA UONGOZI, KUITWA WAHESHIMIWA

                                          Na Mwandishi Wetu, Zanzibar

VIJANA wanaotaka kuwania nafasi mbalimbali za uongozi wameshauri wasome na kuijua vizuri historia ya nchi na ya waasisi wa Taifa lao na sio kukimbilia uongozi na kutaka kuitwa ‘Waheshimiwa’ ili hali kuna vitu hawavijui.

Akizungumza katika mahojiano maalum Ofisi Kuu CCM Kisiwandui, Mjini Unguja, Katibu wa Kamati Maalum NEC Zanzibar, Idara ya Itikadi Uenezi na Mafunzo Komredi Khamis Mbeto Khamis alisema ni vema vijana wakaujua uongozi kabla hawajautaka.

Alisema kila kijana anataka aitwe mheshimiwa nae binafsi anapenda vijana washike uongozi kwani baada ya kuondoka wazee katika uongozi nani watashika nafasi zao lakini wanatosha?.

“Wazee kina karume wameondoka, je hatuwezi kuwa na Karume mwingine?” alihoji Mbeto na kuongeza kuwa ni lazima wasome kwa utashi wao waujue uongozi” alisema Mwenezi huyo.


Alibainisha kuwa ni lazima wajue nidhamu ya uongozi, wasome historia ya nchi yao na ya waasisi wa Taifa lao na katika kusoma watapata maarifa ya kujua ulimwengu unaendaje. 


“Niwaombe vijana wasome sana, wasome historia yao, wasome ulimwengu unaendaje, wasome uongozi, nidhamu ya uongozi ikoje na kikubwa wasiwe waoga” alisema.


Alisema vijana wanatakiwa wanyooke kwenye misimamo yao na nyeupe waseme nyeupe, nyeusi waseme nyeusi na jambo hilo kuna ambao litawachukiza lakini historia itaandikwa.


Komredi Mbeto ambaye anaamini pia kuwa uongozi ni kipawa kutoka kwa Mungu anatanabaisha kuwa maarifa hupatikana kwa kusoma vitabu vya wanafalsafa mbalimbali ili kujua dunia inaendaje.


“Leo unamwalika kiongozi unamuambia ataje historia ya nchi yake au viongozi wa Taifa anaanza kutafuta maneno, anahangaika” alisema Mbeto.


Anabainisha kuwa kijana kutambua historia ya Taifa lake lilipotoka, lilipo na linapoenda ndio jambo linalojenga uzalendo.


Mwenezi huyo ambaye amepata kufanyakazi na marais takribani wote isipokuwa Baba wa Taifa, Hayati Julius Kambarage Nyerere wakiwa wajumbe wa NEC, anasema viongozi hao wote kaulimbiu yao ilikuwa nchi, uzalendo kwanza.


Mbeto anawahimiza vijana wachape kazi  inapotokea wakapewa dhamana na waache kujipendekeza kwa viongozi na kuwafitinisha na kuwaumiza wenzao.


Alibaisha kuwa kijana unapopewa dhamana chapa kazi kwani utendaji huwa haujifichi hivyo hata ukifanyiwa fitina ya namna gani kazi zako zitakulinda.


Alisema kipindi hiki ambacho CCM inaekea kwenye chaguzi za ndani ya chama na hata zingine, vijana wanapaswa kuwaangalia waliowazunguka hao wanaotaka uongozi.

Anasema hali za watu walivyo itawasaidia kumjua huyo mtu ni wa namna gani.


“Unakuta mtu miaka 30 yupo kwenye uongozi lakini waliomzunguka hali zao zipo vile vile, mtu huyo hafai ina maana ni mbinafsi” anasema Mbeto.


Anasema na kuongeza kuwa uongozi ni kuacha alama kama alivyofanya Rais Karume na sasa Rais wa Zanzibar na Mwenyekiti wa Baraza la Mapinduzi, Dkt, Hussein Ali Mwinyi anatekeleza kwa vitendo tena kwa wakati.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more