MBETO ABAINISHA DUNIA ISIVYO NA SHAKA NA DEMOKRASIA YA TANZANIA


                                          Na Mwandishi  Wetu, Zanzibar 

CHAMA cha Mapinduzi (CCM), kimejinasibu kuwa Tanzania  inafuata na kutekeleza aina bora ya demokrasia   chini ya uongozi wa chama hicho, kutokana na upana wake,  ushiriki wa wananchi  na uwazi usiotiliwa  shaka. 

Pia chama hicho  kimesema kiwango cha ukosoaji, michango, fikra na maoni  jumuishi ya wananchi  husikilizwa,  kutekelezwa na medani za utawala.

Hayo yametamkwa na Katibu wa Kamati  Maalum ya NEC  Zanzibar, Idara ya Itikadi, Uenezi  na Mafunzo, Komredi Khamis Mbeto Khamis  aliposhiriki hitimisho la Mdahalo wa Muungano  ulioandaliwa na  Chuo Kikuu  cha Taifa (SUZA), kupitia Kigoda cha Taaluma cha Sheikh Abead Amani Karume.

Mbeto  alisifu uwamuzi wa viongozi wa Mataifa ya Tanganyika na Zanzibar  kwa kutanguliza kwao maslahi mapana ya Taifa kwa kuwaunganisha Wananchi miaka  62 iliopita.

Aidha alisema kiwango cha  aina ya demokrasia iliopo nchini,   kinatokana na  ustawi wa uhuru wa wananchi.

Nafasi pana ya ukosoaji, utoaji maoni, ushauri huku wakipata maelezo toka serikalini.

Mbeto alisema ni nchi chache sana  duniani zenye kufuata  mfumo wa demokrasia   inayolingana na  utaratibu uliopo Tanzania

 "Abadan sina shaka na aina ya demokrasia yetu Tanzania. Tuna ustawi mkubwa wa  demokrasia  iliovuka mipaka.

Leo kuna wanaofika hadi kutukana viongozi bila sababu hawakamatwi. Ni  demokrasia yenye rutuba,  kinga na Uvumilivu" alisema Mbeto.

Katibu huyo Mwenezi  alisema ni nadra kuikuta aina ya demokrasia hiyo katika Mataifa mengine kama ilivyo Tanzania,  lakini  yote hiyo imetokana na  dhima ya ukomavu wa kisiasa, uvumilivu, ujenzi mpya wa Taifa, mapatano na maridhiano.

Akijibu swali kuhusu msimamo wa chama chake wa kuandika katiba mpya, alisema kabla Rais Dk Samia Suluhu Hassan hajamaliza muda wake madarakani kikatiba, serikali yake itawapatia WaTanzania Katiba Mpya.

"Wakati Dkt. Samia alipokuwa akizindua kampeni ya Uchaguzi Mkuu wa  chama chetu  katika Viwanja vya Tanganyika Peckers,  amewaahidi  WaTanzamia Serikali yake itawapatia Katiba mpya" alisema.

Kadhalika Mbeto  alisema ajenda ya Katiba mpya ni ya Serikali za CCM,  si ya upinzani. Tume zote za Ukusanyaji maoni ya wananchi  zimeundwa  na serikali zilizopo madarakani. 

"Itaandikwa  Katiba mpya itakayozingatia ushauri na maoni yote ya wananchi. Itapitia na kuzingatia mapendekezo ya Tume za Jaji   Nyalali, Jaji Kisanga, Jaji  Warioba na Jaji  Chande"  alisisitiza.

Hata hivyo, mwenezi huyo alisema  Katiba mpya itafuata   ushauri  uliotolewa na wananchi, kulinda tunu za Taifa ustawi wa kisiasa, uboreshaji mifumo ya Uchaguzi na kuwashrikisha  wadau wa maendeleo ya demokrasia.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more