MAKAMU WA PILI WA RAIS ATAKA MKANDARASI PANGATUPU ASIONGEZWE MUDA


Na Mwandishi Wetu, Zanzibar

MAKAMU wa Pili wa Rais, Hemed Suleiman Abdula ameridhishwa na maendeleo ya ujenzi wa soko la Dagaa Pangatupu na kutaka muda zaidi usiongezwe kwa mkandarasi.

Akizungumza wakati wa ziara ya kukagua utekelezaji wa miradi ya maendeleo katika Mkoa wa Kusini Unguja, Makamu alisema mkandarasi anapaswa amalize kazi katika muda huo wa nyongeza.


Makamu wa Rais alisema anaona ile azma ya Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi ya kutaka kuwe na mazingira mazuri kwa wavuvi inaenda kutimia ndani ya kipindi kifupi.
 
“Mhandisi Mshauri ametuelekeza vizuri, mradi unaendelea vizuri nami nakiri hatua niliyoikuta, mradi unaendelea vizuri na kwa kipindi ambacho wameongezewa muda wakamilishe kwa wakati” alisema.

Alibainisha kuwa kwa utaratibu wa serikali hivi sasa wakandarasi wakizidisha muda tunapendekeza waone gharama ya kuzidisha hivyo huwa wanatozwa na kuilipa serikali na wameongeza muda wasije wakaongeza tena kwa kuwa mradi unahitajiwa na waZanzibari walio wengi.

 
Alisema Rais Dkt. Hussein Ali Mwinyi ana mipango mikubwa na sekta hiyo ya Uvuvi na ndio maana ameona umuhimu wa kuweka mazingira mazuri ya wavuvi na wadau wa sekta hiyo hasa mkoa wa kaskazini.

“Mkoa wa Kaskazini wengi wanajishughulisha na uvuvi na kwa kutambua umuhimu wake ndio maana awamu ya nane ikaanzishwa Wizara ya Uchumi wa Buluu na Uvuvi ” alisema Makamu Hemed.

Alisema hatua iliyofikiwa ni kubwa kulinganisha na awali ambako wenyeji walianika dagaa chini na kuwataka wakazi wa eneo hilo kutambua kuwa dagaa ni biashara kubwa kwani pia kuna watu toka D.R Congo wanawafuata mkoani humo.

“Mambo mengi yamefanyika na makubwa zaidi yanatarajiwa kufanyika lengo likiwa kuweka mazingira mazuri kwa wavuvi na wadau wa uvuvi hasa mkoa huo wa Kaskazini” alisema na kuongeza kuwa hilo likifanyika vizuri jamii ya wavuvi itasaidika na sekta itatoa mchango katika kukuza uchumi wa nchi.
 
“Niwaambie, biashara ya dagaa ina faida kubwa sana, bado watu wanachukulia uvuvi ule tunaofanya kienyeji ikikamilika miradi hii ina maana wawekezaji watakuja na hata uvuvi utakuwa wa kisasa pamoja na hatua zote kwa miundombinu inayowekwa” alisema.
 
Makamu alibainisha kuwa anapata faraja kubwa kwani kuna wawekezaji wengi wanaotaka kuwekeza sekta ya uvuvi ambao wameanza kujitokeza baada ya kuona dhamira njema ya serikali na Rais Dkt. Hussein Ali Mwinyi ya kuboresha maeneo hayo ya pangatupu.

Makamu Hemed, alisema kuwa alipokuja kwa mara ya kwanza aliagiza wananchi walipwe fidia kuruhusu ujenzi wa mradi na amefurahi kusikia wote wamelipwa tayari na kuwahakikishia soko likikamilika, wote watafanya shughuli zao hapo hawajafukuzwa.
 
“ Shughuli zinazoendelea hapa watakuwa sehemu ya mradi na tutawazingatia kwa umuhimu wake na wajibadilishe kutokana na mazingira yalivyorekebishwa ili tuendane na hadhi ya masoko yanavyotakiwa duniani” alisema.
Pia alitanabaisha kuwa soko hilo linakwenda kusaidia upatikanaji wa ajira kwa wananchi wa mkoa huo na maeneo jirani kati ya zile 350,000 zinazotajwa kwenye Ilani ya Uchaguzi 2025.
 
 
 

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more