MAKAMU WA PILI NA MAAGIZO MATATU KITUO CHA AFYA JADIDA


                                         Na Mwandishi Wetu, Zanzibar

MAKAMU wa Pili wa Rais  Hemed Abdulla Suleiman, ametoa maagizo matatu kwa watendaji wa Serikali ya Mapinduzi Zanzibnar (SMZ), mara baada ya kukagua ujenzi wa Kituo cha Afya Jadida, kilichopo Wilaya ya Wete, Mkoa wa Kaskazini Pemba.

Akizungumza katika ziara yake hiyo iliyoanzia Unguja ya kukagua miradi ya maendeleo inayotekelezwa na serikali, Makamu wa Pili Hemed, alisema amekagua na kuona jengo limekamilika kwa kiasi kikubwa vifaa vingi vimeanza kufungwa.


“Katibu mkuu agizo la kwanza vifaa vyote vinavyofungwa hapa vithibitishwe viwango vyake, nisingependa kuona vifaa vimefungwa hapa baada ya miezi sita hicho kifaa hakifai tena” alisema.

Alibainisha kuwa hata kama mzigo umefika haa kama kifaa hakina kiwango urejesheni mzigo ulipotoka sababu tunapoagiza kifaa tunaweka viwango vyetu.

“Kama hakina kiwango hata kama kifaa kimefika, kirejesheni mzigo ulipotoka na huyo aliyeagiza atakirejesha na kuleta kingine kwa gharama zake na kwa mujibu wa ubora tuliokubaliana” alisema.

Jambo la pili alisema vifaa ni vya kisasa sana na anaamini vitahitaji madaktari kwani kuwa na jengo zuri si hoja, watu wanachohitaji ni huduma.

“Lazima tuhakikishe hapa wanapatikana madaktari wenye sifa na uwezo wa kufanyakazi kwa kadiri inavyowezekana kwa mujibu wa hadhi ya kituo hiki” alisema Makamu.

Alibainisha kuwa kulifungua jengo hili bila madaktari wanaostahiki litakuwa jambo halijaisaidia serikali wala wananchi tunaokusudia kuwapa huduma.

Makamu huyo alisema kuwa Rais Dkt. Hussein Mwinyi ameshaelekeza kuwa madaktari wanapatikana na dawa zipo.

“Jambo la tatu ni huduma, nitawaomba sana wale ambao watakaopata bahati ya kuhudumia kituoni hapa na kituo kingine chochote wafanyekazi kwa bidii na weledi" alisema.

Alitaka maslahi na haki zao zisimamiwe na mwisho wa siku waweze kufanyakazi inavyostahiki.

'Najua madaktari mpo hapa inawezekana mkasema tunadai hiki, tunadai kile mtuambie tuwalipe, sisi serikali hatutaki kudaiwa, lazima niwaambie ukweli, serikali ya Rais Mwinyi haitaki kudaiwa" alisisitiza..

Aliwaambia kuwa changamoto kama hizo kukaa nazo bila kusema anapokuja Makamu kisha zinatajwa anapokuja Rais basi ni wazi kutakuwa na changamoto ya kiutendaji lazima hatua zitachukuliwa na hakutakuwa na mjadala mwingine.


"Mkamilishe jengo kwa haraka ili wananchi waweze kulitumia” alisema kuongeza kuwa kuwepo kwa zahanati hiyo, kutasaidia kupunguza usumbufu kwa wananchi ambao walikuwa wakiifuata huduma hiyo umbali mrefu na aliwashajihisha Bima ya Afya wakamilishe taratibu za kuwepo hapo kuhakikisha dawa zote stahiki zinapatikana hapo saa 24.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more