DKT. MWINYI: USONJI CHANGAMOTO KATIKA JAMII


                                     Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema kuwa Hali ya Usonji kwa watoto ni changamoto kubwa katika jamii, hivyo Serikali ina wajibu wa kuhakikisha inaunga mkono jitihada za kuwasaidia watoto wanaoathirika na hali hiyo.

Rais Dkt. Mwinyi ameyasema hayo  20 Aprili 2026, alipokutana na viongozi wa Lukiza Autism Foundation waliomtembelea Ikulu kujitambulisha na kueleza shughuli za taasisi hiyo.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akizungumza na viongozi wa Taasisi ya Lukiza Autism Foundation, walipomtembelea Ikulu Zanzibar, tarehe 20 Aprili, 2026._

Dkt. Mwinyi amesema kuwa tatizo la Usonji limekuwa changamoto kwa wananchi wengi, hali inayochangiwa kwa kiasi kikubwa pamoja na ukosefu wa elimu ya kutosha kwa jamii pamoja na uhaba wa wataalamu wa fani hiyo.

Ameeleza kuwa Serikali itachukua hatua za makusudi kuhakikisha wataalamu wanapatikana ili kutoa elimu kwa wananchi, pamoja na kuanzisha programu za uelimishaji mashuleni kwa lengo la kuongeza uelewa na kusaidia watoto wenye Usonji.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akifafanua jambo wakati wa mazungumzo na viongozi hao._

Aidha, Dkt. Mwinyi ameigiza Wizara ya Afya kushirikiana na wataalamu hao ili kujifunza zaidi kuhusu Hali ya Usonji, akibainisha kuwa kwa sasa Zanzibar inakabiliwa na changamoto ya ukosefu wa wataalamu wa kutambua na kushughulikia hali hiyo mapema.

Amesisitiza pia kuwa Serikali ya Mapinduzi ya Zanzibar (SMZ), itaendelea kuunga mkono juhudi zinazofanywa na taasisi mbalimbali ili kuhakikisha uelewa wa Hali ya Usonji unaongezeka na huduma bora zinapatikana kwa watoto wanaoathirika.

_Mtendaji Mwanzilishi na Mkurugenzi wa Taasisi ya Lukiza Autism Foundation, Hilda Nkabe akielezea jambo wakati wa mazungumzo hayo._

Mtendaji Mwanzilishi na Mkurugenzi wa Lukiza Autism Foundation, Hilda Nkabe, amesema kuwa bado Zanzibar inakabiliwa na changamoto nyingi katika kutambua watoto wenye Usonji kutokana na ukosefu wa wataalamu na vituo maalum vya huduma hiyo.

Amefafanua kuwa taasisi hiyo imejipanga kutoa elimu kwa jamii kwa ujumla, kuanzia ngazi ya familia hadi mashuleni ili kuongeza uelewa na kusaidia utambuzi wa mapema wa watoto wenye hali hiyo.

_RAIS wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akisikiliza maelezo kuhusiana na mfano wa jezi iliyochorwa kutoka kwa Mtendaji Mwanzilishi na Mkurugenzi wa Taasisi ya Lukiza Autism Foundation, Hilda Nkabe._

Mkurugenzi huyo amebainisha kuwa takribani watoto milioni 2 nchini Tanzania wanakadiriwa kuonyesha dalili za Usonji, huku kati yao watoto 14,000 hadi 20,000 wakionesha dalili zinazoweza kutambuliwa kuwa na hali hiyo.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, katika picha ya pamoja na viongozi wa Taasisi ya Lukiza Autism Foundation. Picha Zote na Ikulu, Zanzibar_

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more