DKT. MWINYI: TUNA KILA SABABU KUENDELEZA USHIRIKIANO NA IRELAND


                                      Na Mwandishi Wetu, Zanziba

RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amesema Zanzibar ina kila sababu ya kuendeleza ushirikiano na uhusiano wa muda mrefu baina yake na Ireland.

Rais Dkt. Mwinyi ameyasema hayo leo, tarehe 30 Aprili 2026, alipokutana na Balozi Nicola Brennan anayeiwakilisha Ireland nchini, aliyefika Ikulu, Zanzibar kwa mazungumzo maalum.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akiwa katika mazungumzo na mgeni wake, Balozi wa Ireland nchini Tanzania, Nicola Brennan, Ikulu Zanzibar._

Rais Dkt. Mwinyi ameihakikishia Ireland kuwa Zanzibar itaendelea kuendeleza na kuimarisha ushirikiano katika nyanja mbalimbali za kiuchumi na maendeleo, ustawi wa jamii, biashara na uwekezaji kwa manufaa ya nchi hizo mbili rafiki.

Aidha, ameeleza kuwa uhusiano baina ya nchi hizo, ambao ni wa muda mrefu sasa, unapaswa kuelekezwa zaidi katika masuala ya uwekezaji na biashara kutokana na mahitaji, mwenendo na mabadiliko ya kiuchumi duniani.

_Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, akiwa katika mazungumzo na mgeni wake, Balozi wa Ireland nchini Tanzania, Nicola Brennan na ujumbe wake, Ikulu Zanzibar._

Amefafanua kuwa Zanzibar imeweka mkazo madhubuti katika sekta za kipaumbele za uchumi wa buluu, utalii na uwekezaji.

Rais Dkt. Mwinyi ameishukuru Ireland kwa misaada inayotoa kwa Tanzania, ikiwemo katika nyanja za afya, elimu, ustawi wa jamii na mafunzo ya kuimarisha mfumo wa sheria hapa nchini na kuiomba kuendelea na misaada hiyo ambayo imekuwa ikichochea mabadiliko makubwa.

_Rais wa Zanzibar na Mwenyekiti wa Baraza la Mapinduzi,  Dk. Hussein Ali Mwinyi, akiwa katika picha ya pamoja na Balozi, Nicola Brennan, Ikulu Zanzibar._

Aidha, amesema bado Zanzibar inahitaji wawekezaji zaidi na kuwakaribisha wawekezaji kutoka Ireland, hususan sekta binafsi, kuja kuwekeza nchini katika sekta za utalii, uvuvi, biashara, uendelezaji wa kilimo cha mwani, miundombinu pamoja na uchimbaji wa mafuta na gesi asilia.

Akizungumzia Mji wa Urithi wa Mji Mkongwe, Rais Dkt. Mwinyi amesema ni eneo muhimu la kihistoria kwa Zanzibar na maendeleo ya sekta ya utalii, linalopaswa kuungwa mkono na wadau mbalimbali, ikiwemo sekta binafsi na washirika wa maendeleo, kwa kufanya kazi pamoja na Serikali ili kuhakikisha uhifadhi wake unakuwa endelevu.

_Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, akiaga na mgeni wake, mara baada ya mazungumzo yao, Ikulu Zanzibar._

Naye Balozi Nicola Brennan, ameihakikishia Zanzibar ushirikiano zaidi na nchi hiyo na kupongeza maendeleo makubwa yanayofikiwa katika sekta mbalimbali yanayochangia ukuaji wa uchumi, ujenzi wa miundombinu, ustawi wa jamii pamoja na kuimarika kwa amani na utulivu. Aidha, ameahidi fursa zaidi za mafunzo, hususan katika kada ya sheria hapa nchini.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more