DKT. MWINYI: TUMEWEKA KIPAUMBELE KUIMARISHA KUHIFADHI MAENEO YA KIHISTORIA


                                        Na Mwandishi Wetu, Zanzibar

RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amesema kuwa Serikali imeweka kipaumbele katika kuimarisha na kuhifadhi maeneo ya kihistoria kwa kuzingatia umuhimu wake katika uchumi na uhifadhi wa utamaduni wa Zanzibar

Rais Dkt. Mwinyi ameyasema hayo leo alipokutana na Balozi wa Uholanzi nchini Tanzania, Marjo Crompvoet, aliyefika Ikulu Zanzibar kwa mazungumzo maalum.

Akizungumzia hatua hiyo, Rais Dkt. Mwinyi ameeleza kuwa ukarabati mkubwa unaoendelea katika jengo la Sinema ya Majestic lililopo Vuga unafanyika chini ya ushirikiano kati ya Serikali ya Mapinduzi ya Zanzibar na Serikali ya Japan, ukiwa na lengo la kulibakisha katika muonekano wake wa asili na kulifanya kuwa endelevu.


Ameongeza kuwa kukamilika kwake kutachochea kufanyika kwa matamasha mbalimbali ndani ya jengo hilo.

Aidha, Rais Dkt. Mwinyi ameeleza kuwa Serikali ina mipango endelevu ya uhifadhi wa majengo muhimu yenye historia ya muda mrefu, ambayo ni nyenzo muhimu katika kuitangaza Zanzibar na kuimarisha sekta ya utalii, kwani wageni wengi huyatembelea maeneo hayo wanapokuja nchini.

Rais Dkt. Mwinyi ameishukuru Uholanzi kwa kuimarisha uhusiano na ushirikiano na Tanzania, ikiwemo Zanzibar, katika nyanja mbalimbali pamoja na misaada inayotolewa katika kuendeleza miradi ya maendeleo nchini.

Rais Dkt. Mwinyi pia amewakaribisha wawekezaji kutoka Uholanzi kuja kuwekeza nchini, hususan katika sekta za kipaumbele za utalii na uchumi wa buluu kwa ujumla. Amesema hatua hiyo itachochea ongezeko la watalii kutoka nchi hiyo na kubainisha kuwa Zanzibar bado inahitaji wawekezaji zaidi katika sekta za viwanda, uvuvi na kilimo.


Balozi wa Uholanzi, Marjo Crompvoet, ameihakikishia Zanzibar kuendelea kuimarisha uhusiano na ushirikiano pamoja na misaada katika sekta mbalimbali.

Ameeleza kufarijika na hatua kubwa za maendeleo ya kiuchumi yanayofikiwa na Zanzibar, ikiwemo ujenzi wa miundombinu mbalimbali, huku akiahidi ongezeko la wawekezaji kutoka nchi hiyo kuja kuwekeza Zanzibar.

Wakati huohuo, Rais Dkt. Mwinyi amekutana na Balozi wa Slovakia nchini, Bw. Ivan Lančarič, aliyefika Ikulu kujitambulisha, akiambatana na Balozi Mdogo wa Slovakia ambaye kituo chake rasmi kitakuwa Zanzibar, Mustafa Khataw.

Katika mazungumzo hayo, Rais Dkt. Mwinyi ameihakikishia Slovakia kuwa Zanzibar iko tayari kufungua milango ya ushirikiano na kufanya kazi na nchi hiyo katika maeneo mbalimbali ya kiuchumi, uwekezaji, biashara na utalii, pamoja na kuishauri kuitangaza Zanzibar katika soko la utalii la nchi hiyo.

Naye Balozi Ivan Lančarič amesema nchi hiyo inatarajia kufungua ofisi ya ubalozi wake nchini Tanzania mapema mwezi Juni mwaka huu, hatua itakayokwenda sambamba na ufunguzi wa ofisi ndogo ya ubalozi wake Zanzibar, kwa lengo la kuendeleza ushirikiano.

Alisema, Slovakia ina maendeleo makubwa katika uchumi wa viwanda, teknolojia ya utengenezaji wa magari, pamoja na biashara na uwekezaji.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more