DKT. MWINYI: MASHINDANO YA QUR'AN YAMEIBUA VIPAJI, KUKUZA MAADILI


 Rais wa Zanzibar na Mwenyekiti wa Baraza la Mapinduzi, Alhaj Dkt. Hussein Ali Mwinyi, amesema kuwa mashindano ya kuhifadhi Qur’an yamekuwa chachu ya kuibua vipaji vya vijana pamoja na kukuza maadili mema katika jamii.

Alhaj Dkt. Mwinyi ameyasema hayo  05 Aprili 2026, katika dhifa ya chakula cha usiku iliyoandaliwa na Jumuiya ya Tuzo za Kimataifa za Kuhifadhi Qur’an Tukufu, iliyofanyika katika Hoteli ya Johari Rotana, jijini Dar es Salaam.

_Rais Alhaj Dkt. Mwinyi akijadiliana jambo na Sheikh Badr bin Muhammad Al-Turki wa Msikiti wa Al-Haram, Makkah, wakati wa hafla hiyo._

Ameeleza kuwa mashindano ya kuhifadhi Qur’an siyo tu mashindano ya Kitabu Kitukufu, bali pia ni kielelezo cha kuitambulisha Tanzania yenye amani duniani kote.

Rais Dkt. Mwinyi amewahakikishia wageni na washiriki wa mashindano ya kuhifadhi Qur’an kuwa Tanzania iko salama, yenye umoja na mshikamano unaojidhihirisha kupitia mkusanyiko huo, na kuwashukuru pamoja na kuwakaribisha nchini.

Rais, Alhaj Dkt. Mwinyi, akijumuika na waumini wa dini ya Kiislamu katika Sala ya Ishaa iliyoongozwa na Sheikh Badr bin Muhammad Al-Turki.

Aidha, ametumia fursa hiyo kuwasihi waumini wa dini ya Kiislamu kushikamana na mafundisho ya Qur’an na Sunna za Mtume (SAW), na kuhimizana umuhimu wa kuzingatia maadili mema, kuwasimamia vijana katika mienendo yao sambamba na kulipa umuhimu mkubwa suala la kudumisha amani.

Rais Dkt. Mwinyi ameisisitiza jamii kuendelea kuimarisha maadili mema na kupambana na mmomonyoko wa maadili kwa kutumia mwanga wa Qur’an Tukufu, kwa kuzingatia kuwa ni dira na muongozo wa wanadamu katika maisha ya duniani.

Rais, Alhaj Dkt. Hussein Ali Mwinyi, akipokea tunzo maalum iliyotolewa na Jumuiya ya Tuzo za Kimataifa za Kuhifadhi Qur’an Tukufu, kutoka kwa Mufti na Sheikh Mkuu, Sheikh Mkuu Tanzania, Abubakar Zubeir Bin Ally, wakati wa hafla hiyo.

Rais Dkt. Mwinyi ameishukuru Taasisi ya Tuzo za Kuhifadhi Qur’an Tanzania chini ya uongozi wa Sheikh Othman Ali Kaporo kwa kuendeleza mashindano hayo kwa mafanikio, pamoja na kuandaa dhifa hiyo ya chakula cha usiku kwa washiriki.

Miongoni mwa waliohudhuria hafla hiyo ni mgeni maalum, Sheikh wa Msikiti wa Al-Haram wa Makkah, Sheikh Badr bin Muhammad Al-Turki, pamoja na Balozi wa Saudi Arabia nchini. Yahya Bin Ahmed Okeish.

Rais, Alhaj Dkt. Hussein Ali Mwinyi, akiwa katika picha ya pamoja na baadhi ya washiriki wa mashindano ya Qur’an kutoka mataifa mbalimbali, wakati hafla hiyo ya chakula cha usiku.

Mashindano ya Kimataifa ya Kuhifadhi Qur’an yamefanyika tarehe Leo 5 Aprili 2026 katika Uwanja wa Benjamin Mkapa, ambapo mshiriki kutoka Libya, Ibrahim Hilal Zeydaan, amekuwa mshindi wa kwanza kwa kupata pointi 99.12. Mshindi wa pili ni Saydina Al Ghalla kutoka Mauritania aliyepata pointi 99.06, na mshindi wa tatu ni Ahmed Karim Shehmadduf kutoka Urusi aliyepata pointi 98.75.

Rais Dkt. Hussein Ali Mwinyi ametunukiwa tuzo mbili maalum za kutambua juhudi na mchango wake katika kuendeleza masuala ya dini ya Kiislamu nchini, zilizotolewa na Ubalozi wa Saudi Arabia na Ofisi ya Mufti Mkuu wa Tanzania.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more