DKT. MWINYI ATAKA FURSA ZAIDI USHIRIKIANO, MAENDELEO E.A.C

                                          Na Mwandishi Wetu, Zanzibar

RAÌS wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema wakati umefika kwa nchi wanachama wa Jumuiya ya Afrika Mashariki (E.A.C), kuangalia fursa zaidi za ushirikiano na maendeleo kwa manufaa ya nchi hizo.

_Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, akizungumza na Katibu Mkuu wa Jumuia ya Afrika Mashariki, Balozi Stephen Patrick Mbundi alipomtembelea kujitambulisha Ikulu, Zanzibar. Leo 16 Aprili 2026._

Rais Dkt. Mwinyi ameyasema hayo leo, tarehe 17 Aprili 2026, alipokutana na Katibu Mkuu wa Jumuiya ya Afrika Mashariki, Balozi Stephen Patrick Mbundi, aliyefika Ikulu kwa ajili ya kujitambulisha na kuaga rasmi.


_Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, alipokuwa katika mazungumza na Katibu Mkuu wa Jumuia ya Afrika Mashariki, Balozi Stephen Patrick Mbundi._

Rais Dkt. Mwinyi amemuhakikishia Balozi Mbundi kuwa Serikali ya Mapinduzi ya Zanzibar, kwa kushirikiana na Serikali ya Jamhuri ya Muungano wa Tanzania, itaendelea kushiriki kikamilifu katika utekelezaji wa majukumu ya pamoja ya Jumuiya ya Afrika Mashariki, na kumtakia kila la heri katika utekelezaji wa majukumu yake mapya.

Aidha, amesema kuwa wakati nchi wanachama zinajipanga kuimarisha ushirikiano, ipo haja sasa ya kuangalia fursa za utekelezaji wa miradi ya pamoja.

_Katibu Mkuu wa Jumuia ya Afrika Mashariki, Balozi Stephen Patrick Mbundi. (Picha Zote na Ikulu Zamzibar).

Naye Katibu Mkuu wa Jumuiya ya Afrika Mashariki, Balozi Stephen Patrick Mbundi, ameahidi kuwa Jumuiya hiyo itaendelea kushirikiana na kufanya kazi kwa ukaribu zaidi na Zanzibar, pamoja na kumpongeza Rais Dkt. Mwinyi kwa mafanikio na maendeleo yanayofikiwa na Zanzibar hivi sasa, ikiwemo kuimarika kwa amani.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more