DKT. KIJAJI 'ATETA' NA KATIBU MKUU UN-TOURISM

WAZIRI wa Maliasili na Utalii, Dkt. Ashatu Kijaji, amekutana na kufanya mazungumzo na Katibu Mkuu wa Shirika la Utalii la Umoja wa Mataifa (UN Tourism), Shaikha Nasser Al Nowais, tarehe 29 Aprili, 2026 katika eneo la Victoria Falls, ambako ulikuwa unafanyika Mkutano wa Pili wa Kikanda wa UN Tourism kuhusu uwezeshaji wa wanawake katika sekta ya utalii Barani Afrika.

Katika mazungumzo hayo, Dkt. Kijaji amempongeza Katibu Mkuu, Al Nowais kwa kuchaguliwa kuwa mwanamke wa kwanza kushika nafasi hiyo, na kusisitiza dhamira ya Tanzania ya kuendelea kuimarisha ushirikiano wa kimkakati na UN Tourism katika kukuza sekta ya utalii. Aidha, ameangazia mafanikio yaliyopatikana katika sekta hiyo nchini Tanzania na namna yanavyoendelea kuchangia ukuaji wa uchumi.

Akizungumzia maandalizi ya AFCON 2027, Dkt. Kijaji ametumia fursa hiyo kumualika rasmi Katibu Mkuu kushiriki na kushuhudia mashindano hayo yatakayofanyika Afrika Mashariki, ikiwemo Tanzania huku akiliomba shirika hilo kuipatia Tanzania msaada wa kitaalam, hususan katika matumizi ya teknolojia za kisasa ili kuongeza ufanisi katika kuitangaza nchi kimataifa wakati wa tukio hilo kubwa.

Katika hatua nyingine, Waziri Kijaji amemjulisha Katibu Mkuu huyo kuwa Tanzania itakuwa mwenyeji wa World Travel Awards 2026 itakayofanyika mwezi Desemba mwaka huu na ametumia fursa hiyo  kumualika kuwa mgeni  rasmi katika hafla hiyo. 

Kwa upande wake, Katibu Mkuu huyo  Bi. Shaikha Al Nowais,  ameahidi kuwa shirika hilo litaendelea kushirikiana kwa karibu na Tanzania katika kuyatekeleza mambo mbalimbali ya kiutalii



Awali  Dkt. Kijaji pia ameshiriki katika shughuli zinazoendelea katika mkutano huo ambao umefunguliwa rasmi  na Mke wa Rais wa Zimbabwe, Auxillia Mnangagwa, ikiwemo  mdahalo wa Mawaziri wa Utalii uliofanyika baada ya ufunguzi

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more