ZANZIBAR KUJITOSHELEZA UMEME, GESI, MAFUTA


                                         Na Mwandishi Wetu, Zanzibar

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amekutana na Kaimu Balozi wa Marekani nchini Tanzania, Balozi Andrew Lentz, kuzungumzia maeneo mbalimbali ya ushirikiano kati ya Zanzibar na Marekani.

Mazungumzo hayo yamefanyika leo, tarehe 23 Machi 2026, Ikulu, Zanzibar.

Dkt. Mwinyi amemueleza Kaimu Balozi Lentz kuwa Zanzibar ina mipango na mikakati madhubuti ya kuhakikisha inajitegemea na kujitosheleza katika masuala ya nishati ya mafuta na umeme, pamoja na kuwa kituo kikuu cha usafirishaji kupitia bandari kwa nchi za Afrika Mashariki na Kati.


Dkt. Mwinyi aamesema ujenzi unaoendelea wa mradi wa Bandari Jumuishi ya Mangapwani unatarajiwa kumaliza changamoto hizo, na kasi ya ukuaji wa uchumi wa Zanzibar itaongezeka kutokana na uwekezaji mkubwa unaofanyika, ikiwemo mitambo ya kuzalisha umeme wa megawati 200, matangi ya hifadhi ya mafuta, na bandari yenye uwezo wa kuhudumia meli kubwa, itakayosaidia kuondoa msongamano uliopo katika Bandari ya Malindi.

Amefahamisha kuwa ukuaji wa sekta ya uwekezaji nchini na utekelezaji wa miradi mikubwa ya maendeleo umeifanya Zanzibar kutafuta njia mbadala za kujitegemea katika nishati ya umeme, mafuta na gesi, pamoja na kuleta mageuzi katika ujenzi wa Bandari ya Mangapwani.

Dkt. Mwinyi ameihakikishia Marekani kuendeleza ushirikiano katika nyanja mbalimbali na kuishukuru kwa misaada yake kwa Tanzania, ikiwemo Zanzibar, akibainisha kuwa bado zipo fursa nyingi kwa makampuni na wawekezaji kutoka Marekani kuwekeza nchini

Kaimu Balozi wa Marekani nchini Tanzania, Balozi Andrew Lentz, ameeleza kufurahishwa na hatua ya maendeleo inayofikiwa Zanzibar, hususan katika ujenzi wa miundombinu, akieleza kuwa ni kipaumbele muhimu kwa nchi inayolenga kuvutia uwekezaji na kukuza uchumi pamoja na ustawi wa wananchi. 

Pia, ameahidi kuendelea kupanua maeneo ya ushirikiano na Zanzibar, hususan katika sekta za afya, mabadiliko ya tabianchi, biashara na uwekezaji.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more