VYUO VYA UDEREVA ZANZIBAR VYAPEWA MUDA KUJIBORESHA

                                    Na Mwandishi Wetu, Zanzibar

NAIBU Waziri wa Ujenzi na Uchukukuzi, Badriya Atai Masoud, ameviagiza vyuo vya Mafunzo ya Udereva Zanzibar kuchukua hatua za haraka kurekebisha kasoro zilizoainishwa, wakati alipofanya ziara ya kushtukiza katika vyuo hivyo mbalimbali vya udereva akiwa na mamlaka za usalama barabarani.

Akizungumza mara baada ya ziara hiyo ya kusikiliza changamoto zinazovikabili vyuo hivyo na kutafuta njia ya bora ya kufuata, Naibu Waziri Badriya alisema wamegundua mapungufu kadhaa katika baadhi ya vyuo.

"Tumegundua mapungufu kadhaa ikiwa ni pamoja na ukosefu wa vifaa muhimu vya kufundishia" alisema na kuvitaja kuwa ni pamoja na mashine ya kupoza injini ya gari (Radiator), mfumo wa breki, Injini, mfumo wa mneso kwenye gari (Shockabsover), Mfumo wa mtengamano wa gari (Stabilizer) pamoja na ukosefu wa michoro sahihi kwenye viwanja vya mazoezi ya udereva.

"Tumebaini baadhi ya viwanja  vya kujifunzia havikidhi vigezo na mahitaji kwa ajili ya kutoa mafunzo bora ya udereva" alisema Naibu Waziri Badriya ambaye pia ni Mwakilishi wa Jimbo la Kijini.

Alisema wamewataka wamiliki wa vyuo hivyo kuchukua hatua za haraka kurekebisha hali hiyo na kushindwa kufanya hivyo kutailazimu serikali kuchukua hatua za kisheria ikiwemo kusimamisha shughuli za vyuo husika au kufuta usajili wake.


Naibu huyo ambaye alikuwa akimwakilisha Waziri wake kwenye zara hiyo ya kushtukiza alisema imetokana na ongezeko la ajali za barabarani na serikali inaendelea kuchukua hatua madhubuti kutathmini na kubaini vyanzo vya matatizo.

Alibainisha kuwa lengo ni kuweka mikakati madhubuti itakayo saidia kupunguza ajali na kuimarisha usalama barabarani kwa manufaa ya wananchi wote.


Wamiliki wa vyuo hivyo licha ya kuishukuru serikali kwa ushirikiano wameomba kuongezwa kwa wasimamizi wa mitihani ya vitendo (kwa silva) ili kurahisisha na kuharakisha utoaji wa huduma hiyo kwa wanafunzi wa udereva.



Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more