SIKU 100 ZA DKT. MWINYI SEKTA ELIMU


                                         Na Mwandishi Wetu, Zanzibar

WAKATI anaingia madarakani 2020 kuwa Rais wa Serikali ya Mapinduzi Zanzibar (SMZ), Dkt. Hussein Ali Mwinyi 2020, anasema kipaumbele cha kwanza cha serikali yake ni elimu.

Anasema, tunatambua elimu ndio itamuwezesha kila mmoja wetu kuweza kujikomboa, kuondokana na umaskini unaotukabili.


Anaongeza Bajeti ya Elimu kutoka Tsh.Bilioni kutoka Bil. 265 mwaka 2021 hadi 457 ongezeko la asilimia 72 lengo kuongeza juhudi katika suala zima la elimu.
 
Anawaambia Wizara ya Elimu lijengwe jengo la shule la mfano, kisha liangaliwe kama litafaa na shule ya msingi Fuoni inafanywa ya majaribio.
Shule hiyo yenye wanafunzi zaidi ya 3,000 ina madarasa 23 hivyo na kufanya wanafunzi kusoma kwa zamu mbili hadi tatu kutokana na idadi kubwa ya wanafunzi.


Siku ya uzinduzi wa shule hiyo miaka miwili iliyopita, Rais Dkt, Mwinyi anakuwa mgeni rasmi na anasema niliwaambia tujenge jengo hapa Fuoni, tuangalie kama linatufaa.
 
“Ndio maana nipo mwenyewe leo nimekuja hapa kutazama hiki kitu kinafanana na ninachokitaka? Nimeridhika hiki kitu kizuri, kimejengwa kwa muda mfupi” anasema wakati wa uzinduzi huo.


Anabainisha kuwa kama ungekuwa ujenzi uliozoeleka wa matofali ya kawaida, pangejengwa hata kwa miaka miwili.

Rais Dkt Mwinyi baada ya kuikagua, anasema ameridhika, ina viwango na inawafaa na si kwa ajili madarasa bali pia maabara na chumba chenye kompyuta za kisasa.

“Maabara ya kisasa kabisa, mie sikujua kama hata shule za msingi zina maabara ndio naona leo humu ndani ni ya kisasa kabisa” anasema.


Anabainisha kuwa aliwaambia wajenzi, kama watawajengea shule moja ya mfano wakaridhika nayo. Wapo tayari kuingia nao mkataba wajenge zingine kama hizo 20, Unguja na Pemba.

Anasema vinatakiwa vitu vinavyokwenda na wakati kama hivyo na anatanabaisha kuwa wanafunzi wakianza kujifunza kompyuta mapema, watakwenda na kasi ya dunia inavyotaka.


Toka wakati huo hadi hivi sasa zinapozungumziwa siku 100 za Dkt. Hussein Ali Mwinyi madarakani, jumla ya shule mpya 60 zimejengwa kati ya hizo 23 za ghorofa, Unguja na Pemba.

Sanjari na hilo kunako 21 Mei 2025, mkataba wa mkopo wenye thamani ya TSh.240 bilioni umesainiwa Ikulu Zanzibar baina ya SMZ na Benki ya CRDB kwa ajili ya ujenzi wa shule 23 za msingi na sekondari za ghorofa, Zanzibar.


Pia shule 20 zipo katika majaribio  ya   matumizi ya mfumo wa Tehama katika ufundishaji kila darasa likiwa na ubao janja ‘Smart board’ na mwalimu anaweza kufundisha zaidi  ya darasa moja akiwa ofisini kwake huku akiona kila kinachoendelea darasani.

Katika kipindi kifupi mengi yameonekana ndani ya siku hizo na mengi yamefanyika na si kwa maneno bali vitendo kwa juhudi na juhudi kubwa ikielekezwa katika ujenzi wa miundombinu.

Shule za kisasa za ghorofa, ukarabati wa madarasa na maabara zimewezesha mazingira bora kwa wanafunzi na kuongeza kiwango cha ufaulu na kuondoa msongamano na kufanya maeneo mengi kuwa mkondo mmoja badala ya mwili hadi mitatu.



“Tunashukuru sana Dkt. Mwinyi katujengea ‘skuli’ (Shule), skuli ambayo ina miundombinu mizuri kwa wanafunzi, ikiwemo madarasa ya kompyuta, Library (maktaba) na maabara pia nzuri” anasema Mwanaisha Vuai Ameir, mwanafunzi shule ya sekondari Kiwani.
 
Ndani ya kipindi cha siku hizo 100 za Rais Dkt. Hussein Ali Mwinyi, zaidi ya walimu 5,265 wameajiriwa, kompyuta za kisasa 3,000 serikali imezigawa kwa shule za msingi na sekondari na vitabu milioni 1.3 vimechapishwa.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more