RAIS DKT. MWINYI, NYUMBA ZA WAHUDUMU AFYA, MASHINE YA MRI PEMBA

                                        Na Mwandishi Wetu, Zanzibar

WAKATI Rais Dkt. Hussein Ali Mwinyi anatimiza siku 100 madarakani, mashine ya Upigajipicha kwa Mwangi wa Sumaku (MRI) katika Hospitali ya Abdallah Mzee, wilaya ya Mkoani Kusini Pemba na nyumba za wahudumu wa afya katika hospitali za wilaya, vinatajwa kuleta mageuzi makubwa sekta ya afya, ambayo wananchi wanadai hawajawahi, wala kuyafikiria katika maisha yao.

Rais Dkt. Mwinyi katika sekta hiyo licha ya kufanya mambo makubwa miaka mitano iliyopita lakini bado anaendelea kusogeza huduma hizo jirani na wananchi.

Rais huyo ambaye anatekeleza na kuisimamia sera ya huduma za matibabu bila malipo kwa kila mZanzibari, amevunja na kujenga upya vituo vya afya na kuboresha huduma ili kulinda afya za wananchi wote, Unguja na Pemba.


Ujenzi huo wa miundombinu ya afya pia umezingatia makazi ya wahudumu wa afya kwani kila Hospitali ya wilaya kuna nyumba za madaktari na wahudumu wengine wa afya.

 “Katika upande wa sekta ya afya katika siku 100, zipo alama Rais Dkt. Mwinyi kaendelea kuziweka kwa ajili ya maendeleo ya wananchi” anasema, Khamis Bilali Ali, Ofisa Mdhamini Wizara ya Afya Pemba.

Anasema kati ya mambo ya msingi ambayo zaidi ya miaka sitini hayajawahi kuwepo Pemba ikiwemo miradi ya kimkakati iliyozinduliwa rasmi ndani ya siku hizo lakini kubwa ni mashine ya MRI katika Hospitali ya Abdallah Mzee, Mkoani Kusini Pemba.

Mashine hiyo ambayo ina sumaku yenye nguvu kutengeneza picha za sehemu za ndani za mwili na ina uwezo mkubwa na matokeo sahihi zaidi ya T-Scan na mashine hiyo ndio imenza kazi ndani ya siku 100 za Rais Dkt. Mwinyi madarakani na kuleta matumaini mapya kwa wananchi wa Pemba.

“Hii huduma MRI, tulikuwa tukiihitaji kwa muda mrefu lakini ilitulazimu kusafiri hadi Unguja au Dar es Salaam lakini kutokana na maendeleo yaliyopo hivi sasa huduma inapatikana kwa wakati” anasema Salama Ali Khamis, Mkazi wa Kipangani, Wete Pemba.

Mashine hiyo na huduma zingine zilizoboreshwa katika hospitali hiyo, zinafungua tabasamu kwa wananchi wa visiwa hivyo.

“Tunampongeza Rais Dkt. Mwinyi kwa kutupatia huduma hii hapa, saa hii itakuwa huduma ya daladala kuja Hospitali kupata huduma. Huduma hii ipo na ni bure’ anasema Harduu Hamad Rashid, Mkazi wa Uweleni, Pemba.

Daktari Dhamana wa Hospitali ya Abdallah Mzee Pemba, Aboud Khamis Maabad anasema mashine hiyo ni ya kisasa na yenye uwezo mkubwa na hadi sasa imeisha wahudumia wagonjwa zaidi ya thelasini na awali haikuwepo lakini ndani ya siku hizo wameipokea na imeanza kutoa huduma.

“Kuja kwa huduma kumewapunguzia gharama kubwa walizokuwa wakipata ukizingatia hali za maisha za wananchi walio wengi” anasema Dkt. Dkt. Aboud Maabadi.

Uwepo wa makazi ya wahudumu wa afya katika hospitali zote za wilaya, Unguja na Pemba limekuwa ni jambo lenye msaada mkubwa kwa wagonjwa.

 “Uwepo wa nyumba karibu kumerahisha hata inapotokea dharula inakuwa rahisi kuliko kutokea mbali na hapa” anasema Eli Mwasenga, Mhudumu wa Afya, Mwera Pongwe.

“Leo huduma na kila kitu kinapatikana, juzi nimemleta mzazi, dakika mbili kafanyiwa operesheni, naambiwa mzazi huyo hapo, juu ya kitanda na watoto wake wawili pacha” anasema Maua Khamis Sateni, Mkazi wa Vitongoji, Pemba.

Ahadi za Pemba zimetimizwa Unguja pia na Rais Dkt. Mwinyi mara kadhaa amekuwa akimtanguliza Mwenyezi Mungu na kusema yote waliyoahidi kwa uwezo wake yanafanyika, tena kwa wakati, akihimiza kudumishwa amani na utulivu uliopo ili mambo makubwa zaidi yaweze kufanyika.

 

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more