MBETO: MAGUFULI, RAIS SAMIA, RAIS MWINYI MADAKTARI KAZI NA UTU


                                         Na Mwandishi Wetu, Zanzibar

KATIKA hitimisho la maadhimisho ya miaka mitano toka afariki Rais wa Awamu ya Tano wa Jamhuri ya Muungano wa Tanzania, Dkt. John Pombe Magufuli, Katibu wa Kamati Maalum ya NEC Zanzibar Idara ya   Itikadi, Uenezi na Mafunzo Khamis Mbeto Khamis anabainisha kuwa kauli mbiu yake "Hapa Kazi tu" ambayo ndani yake ina utu ina enziwa vilivyo na aliowaacha.

Mbeto alisema kuwa pamoja na misimamo na majukumu mazito aliyokuwa nayo Dkt. John Pombe Magufuli lakini pia alikuwa na utu na aliwasaidia na kuwasikiliza watu wa kada zote kama afanyavyo Rais wa Jamhuri ya Muungano Tanzania Dkt. Samia na Rais wa Zanzibar, Dkt. Hussein Ali Mwinyi.

"Kuna clip ipo mitandaoni aliyekuwa Rais, John Magufuli akilia baada ya kuguswa na hali ya mama mjane kama sikosei, aliyeenda kumuona katika moja ya ziara zake" alisema Mbeto.

Alisema si jambo la kawaida Rais kulia na kutoa machozi hali inayoonyesha kuwa ana utu uliopitiliza.

"Ndio maana kifo  chake watu wote walilia" alisema Mwenezi Mbeto na kuongeza kuwa lilikuwa jambo la kawaida kusimamisha msafara na kuzungumza na wananchi wa kawaida.

"Mama Rais Samia kaja na 'Kazi na Utu, tunasonga mbele', kiasili yeye ni mpole na anafanya mambo mengi kwa jamii na wengi amewasaidia, kuna watu wanajua kuwa kama sio yeye hawajui wangekuwa wapi" alisema na kuongeza kuwa amejaa umama na huruma nyingi.

Alisema kipindi hiki cha Kwaresma na Ramadhan anafuturisha nchi nzima kupitia wakuu wa mikoa achilia mbali fedha anazotoa kusaidia misikitl na makanisa.

Mbeto alimtaja Rais Dkt. Mwinyi kupitiliza kwenye kazi na utu huku akitoa ushuhuda wa Rais Mwinyi kukubali mwaliko wa kufuturu nyumbani kwa mwananchi wa kawaida ambaye hana wadhifa wowote katika chama wala serikali.

"Juzi hapa kaenda kufuturu kwa Bwana Salum Maridhia, mtu wa kawaida na hayupo kwenye chama wala serikali, Misiba mingi anaenda, mingine ya wananchi wa kawaida kabisa" alisema na kuongeza kuwa, pia anatoa misaada mingi na mingine bila kutangaza.

Komredi Mbeto anasema kuna siku Rais Dkt. Mwinyi aliswali msikiti anaoutumia yeye Mbeto mara kwa mara na alishangaa mwisho wa Ibada viongozi wanasimama anakopota na kumshukuru kwa kuwafungia viyoyozi msikitini.

Mbeto alisema alikuwa hajui jambo hilo na hakuwa amelisikia kabla ya hapo hali inayoonyesha jinsi gari Taifa limejaaliwa viongozi wenye maono, bidii ya kazi na utu.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more