MBETO: MAGUFULI ALIKUWA SHUJAA MZALENDO WA TAIFA

                                            Na Mwandishi Wetu, Zanzibar

CHAMA cha Mapinduzi (CCM), kimesema kuwa aliyekuwa Rais wa Jamhuri ya Muungano wa Tanzania, hayati John Pombe Magufuli alikuwa shujaa mzalendo aliyepigania maslahi mapana ya nchi ndani ya kipindi kifupi cha utawala wake.

Akizungumza katika mahojiano maalum na Bahari FM leo 17 Machi 2026, kuhusiana na miaka mitatu toka kifo cha Rais huyo wa awamu ya tano, Katibu wa Kamati Maalum NEC Zanzibar Idara ya Itikadi na Uenezi na Mafunzo, Komredi Khamis Mbeto Khamis alisema alikuwa na mapenzi makubwa kwa nchi na chama chake CCM.

Mbeto alisema kati ya mambo aliyofanya ni pamoja na miradi ya kimkakati ya Bwawa la Umeme la Mwalimu Nyerere, Reli ya treni ya umeme, aliimarisha usafiri wa anga, miundombinu ya barabara, ujenzi wa daraja la Kigongo/Busisi, Tanzanite, mwendokasi, ununuzi wa ndege mpya na mengine.

"Miongoni mwa mambo ambayo waTanzania hatutasahau ni kuhamishia makao makuu ya nchi Dodoma" alisema mwenezi Mbeto na kuongeza kuwa hilo lilikuwa wazo la toka enzi za Mwalimu (Baba wa Taifa Mwalimu Julius Kambarage Nyerere) ambalo lilishindwa kutekelezeka.

"Yeye ndio aliamua na sasa hivi yamekuwa makao makuu ya nchi na serikali. Dodoma inazidi kujengwa, imebadilika" alisema na kuongeza kuwa ni maamuzi ya ujasiri aliyoamua kuchukua.

Alibainisha kuwa  chini yake nchi ikaingia uchumi wa kati na mathalani alijua ni ngumu kushawishi uwekezaji wakati hakuna uhakika wa nishati ya umeme ndio maana lilijengwa Bwawa hilo la kuzalisha umeme ambao unaweza kuuzwa pia katika nchi za Ukanda wa Afrika Mashariki na kwingineko.

Mwenezi huyo alisema, hayati Magufuli alikuwa na ujasiri mkubwa katika kutetea raslimali za nchi na hakusita kumtaja mbadhirifu yeyote na hata kumtumbua hadharani na alisimama kidete kuhakikisha raslimali za nchi haziporwi kiholela akitoa mfano wa uamuzi wa kupiga marufuku usafirishaji mchanga kwenda nje kuchenjua dhahabu.

"Pia alihakikisha makampuni yote ya madini yanalipa kodi stahiki na pia nidhamu ya kazi kwa watendaji serikalini na hakujali undugu, urafiki, mtoto wa ndugu, mjomba na aliangalia uwezo na utendaji kwa maslahi mapana ya nchi" alisema.

Mbeto anataja upanuzi wa bandari za Tanga, Mtwara, Da es Salaam na viwanja vya ndege na kuweka mifumo mizuri ya kodi na pia alizisimamia mali za chama na maslahi ya wanachama na viongozi.

"CCM ni chama kikubwa nchini, kina raslimali nyingi lakini zilinufaisha wachache na alitaka kuhakikisha viongozi wa chama wanalipwa vizuri kama waliopo serikalini" alisema Mbeto.

Alibainisha mwenezi huyo kuwa alifanikiwa na alianza kuboresha maslahi ya watumishi wa CCM na mambo mengine mengi ambayo yanafanya wanaCCM na wananchi kwa ujumla kuendelea kumkumbuka.

"Tutamkumbuka kwa ujasiri na uzalendo wa kupigania maslahi mapana ya nchi yetu" alisema Komredi Mbeto na kutaka aenziwe kwa watendaji kuchukia rushwa na mambo yote ya hovyo yanayoligharimu Taifa.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more