MABALOZI MAAFA, DHARULA TAYARI KUKABILI MAJANGA

                                   Na Andrea Kadege, WAF-Korogwe

TIMU za Haraka za Kukabiliana na Dharura (Rapid Response Team-RRT) kuwa mabalozi wa kufikisha elimu kuhusu maafa na dharura za kiafya katika ngazi ya jamii ili kusaidia wananchi kuelewa namna bora ya kujikinga na kukabiliana na matukio ya mlipuko wa magonjwa na majanga mengine.









 

Hayo yamebainishwa Mganga Mkuu wa mkoa wa Tanga, Dkt. Japhet Simeo wakati akifunga kwaa RRT huku akisisitiza kuwa washiriki wa mafunzo hayo wanapaswa kutumia ujuzi walioupata kuwaelimisha wataalam wengine na wananchi katika ngazi ya msingi ili kuongeza uelewa wa jamii kuhusu hatua za awali za kukabiliana na dharura za kiafya.


Dkt. Simeo amesema mafunzo hayo ni muhimu kwa kuimarisha uwezo wa wataalamu wa afya kukabiliana kwa haraka na matukio ya dharura, hivyo akasisitiza kuwa yanapaswa kuwa endelevu na yenye tija ili kuhakikisha timu hizo zinakuwa tayari wakati wote kukabiliana na changamoto za kiafya zinapotokea.


Aidha, amewataka washiriki ambao ndio wanaunda Timu za Haraka za Kukabiliana na Dharula (RRT), kuzingatia umuhimu wa kuelewa utamaduni na mazingira ya jamii wanazokwenda kutoa huduma, akieleza kuwa uelewa huo husaidia kutoa huduma kwa ufanisi na kujenga ushirikiano mzuri kati ya watoa huduma na wananchi.


Kwa upande Mratibu-Udhibiti Maafa na Dharura kutoka Wizara ya Afya Dkt. Saumu Nungu, amesisitiza dhamira thabiti ya Serikali kwa kushirikiana na wadau wa maendeleo kuimarisha mifumo ya kinga, utayari na mwitikio katika kukabiliana na majanga na dharura za kiafya huku juhudi hizo zinalenga kuhakikisha jamii inalindwa dhidi ya athari za matukio ya dharura kwa kuimarisha uwezo wa wataalamu wa afya pamoja na mifumo ya utoaji huduma katika ngazi mbalimbali.


Pia amezipongeza Timu za Haraka za Kukabiliana na Dharura (RRT) za Mkoa wa Tanga kwa kushiriki kikamilifu katika mafunzo hayo, akibainisha kuwa ushiriki wao unaakisi weledi na utayari wa wataalamu wa afya kusimama mstari wa mbele katika kulinda afya za wananchi na kukabiliana kwa ufanisi na majanga pamoja na milipuko ya magonjwa.


Akizungumza kwa niaba ya washiriki wa mafunzo hayo Mganga Mkuu wa Wilaya ya Muheza, Dkt. Fani Mussa ameishukuru Wizara ya Afya pamoja na wadau walioshiriki kufanikisha mafunzo hayo, akieleza kuwa yamewajengea uwezo na uelewa mpana wa kukabiliana na majanga na dharura za kiafya na washiriki wako tayari kutumia maarifa na ujuzi walioupata kutekeleza majukumu yao kwa ufanisi na kuhakikisha wanatoa huduma kwa kuzingatia mafunzo na miongozo waliyopewa.


Mafunzo hayo yameratibiwa na Wizara ya Afya, Idara ya Dharura na Maafa kwa kushirikiana na Mradi wa Usalama Afya Duniani unatekelezwa chini ya asasi zisizo za kiserikali za CIHEB Tanzania na PATH.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more