DKT. MWINYI: MASHINDANO QUR'AAN ZANZIBAR KITAMBULISHO KNGINE KIMATAIFA


RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amesema mashindano ya Dunia ya Kuhifadhi Qur’aan yamekuwa kivutio na kitambulisho chengine cha Zanzibar Kimataifa.

Rais Dkt. Mwinyi ameyasema hayo leo, tarehe 14 Machi 2026, katika Mashindano ya Tatu ya Dunia ya Kuhifadhi Qur’aan yaliyofanyika katika Uwanja wa New Amaan Complex, Mkoa wa Mjini Magharibi.


Rais Dkt. Mwinyi ametoa wito kwa wafadhili na wadau mbalimbali kuendelea kuyaunga mkono mashindano hayo ili nchi iendelee kunufaika na faida mbalimbali zinazotokana na kufanyika kwake.

Rais Dkt. Mwinyi amewanasihi waumini wa dini ya Kiislamu kushika muongozo wa Qur’aan ili kuwa na jamii iliyoongoka, pamoja na kushikamana na Sunna za Mtume Muhammad ili kuongozwa na kupata fadhila za Mwenyezi Mungu.


Rais Dkt. Mwinyi amewasisitiza washiriki na washindi wa mashindano hayo kujifunza tabia njema, akieleza kuwa lengo si kupata cheti pekee bali ni kuishi kwa nidhamu na kukuza utamaduni wa Kiislamu katika maisha yao ya kila siku.

Rais Dkt. Mwinyi ameipongeza Ofisi ya Mufti Mkuu wa Zanzibar pamoja na Shirika la Utangazaji Zanzibar  (ZBC) kwa kuendelea kuandaa mashindano hayo kwa mafanikio kwa miaka mitatu mfululizo.

Aidha, amewapongeza wafadhili na wadau mbalimbali kwa michango waliyoitoa kufanikisha mashindano hayo makubwa.

Pia amewapongeza washiriki wote kwa kazi kubwa na nzuri waliyoionesha katika mashindano hayo, jambo linalodhihirisha kazi njema inayofanywa na wanazuoni na walimu wa Qur’aan.

Mashindano ya mwaka huu ya Kuhifadhi Qur’aan yameshirikisha washiriki kumi na mmoja (11) kutoka mataifa mbalimbali, na mshiriki kutoka Zanzibar, Abdulaaziz Ali Khamis, amekuwa mshindi wa kwanza kwa kupata pointi 99.5 na kuzawadiwa shilingi milioni 30. Mshindi wa pili ni Ibrahim Usman Ibrahim kutoka Nigeria aliyepata pointi 99 na kuzawadiwa shilingi milioni 20, huku mshindi wa tatu akiwa Adan Ismail kutoka Marekani aliyepata pointi 98.5 na kuzawadiwa shilingi milioni 10.

Mashindano hayo yalihusisha vipengele vya kuhifadhi Juzuu 30 za Qur’aan, usomaji wa Adhana pamoja na kipengele cha usomaji wa Qur’aan kwa mtindo wa Tashjih Tahakik.



Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more