MTANZANIA AWEKEZA TSH.BILIONI 8 JIJINI MBEYA


                                             Na Mwandìshi Wetu, Mbeya

Katika ziara ya kuhamasisha uwekezaji wa ndani iliyofanyika leo tarehe 16 Februari 2026 jijini Mbeya, Mamlaka ya Uwekezaji na Maeneo Maalum ya Kiuchumi Tanzania (TISEZA) imetembelea mradi wa City Park Garden unaomilikiwa na BABITO Trading Company Limited.

Mradi huo uliopo katikati ya Jiji la Mbeya ni kituo cha kisasa cha burudani na starehe kilichogharimu shilingi bilioni 8 na kutoa ajira za moja kwa moja kwa watu 100. Uwekezaji huo umejengwa katika eneo la Bustani ya Jiji lenye ukubwa wa hekta 3.67 na umeongeza thamani ya kiuchumi na kijamii katika mkoa huo.

Akizungumza kwa niaba ya Mkurugenzi wa kampuni hiyo, Bw. Godlisten Msuya amesema mradi huo unajumuisha migahawa mitatu, kumbi tatu za mikutano na sherehe, mabwawa mawili ya kuogelea, vyumba 93 vya biashara, maegesho ya magari, maeneo ya michezo ya watoto pamoja na sehemu za kisasa za kuoshea magari. Ameeleza kuwa mafanikio ya uwekezaji huo yametokana na ushirikiano mkubwa na TISEZA, ambayo ilitoa vivutio mbalimbali ikiwemo punguzo la ushuru wa forodha kwa asilimia 75 kwenye mashine na vifaa vya uzalishaji vilivyoingizwa kutoka nje ya nchi.

Kwa upande wake, Meneja Uhamasishaji Uwekezaji kutoka TISEZA, Bw. Daudi Riganda, ametoa wito kwa Watanzania kutumia fursa za vivutio vya uwekezaji vinavyotolewa na mamlaka hiyo, wakifuata mfano wa BABITO Trading Company Limited, ili kuongeza idadi ya wawekezaji wa ndani jijini Mbeya na Tanzania kwa ujumla kwa maendeleo endelevu ya Taifa.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more