MKUTANO MAKATIBU WAKUU KUELEKEA WATAALA WA UKIMWI SADC


                        Na Shaban Juma, WAF-Johannesburg, Afrika Kusini

Naibu Katibu Mkuu wa Wizara ya Afya anayeshughulikia masuala ya Dawa na Vifaa Tiba, Emmanuel Daud Tayari, ameongoza ujumbe wa wataalam kutoka Jamhuri ya Muungano wa Tanzania kushiriki katika mkutano wa Makatibu Wakuu na wataalamu wa afya pamoja na masuala ya UKIMWI na VVU wa Jumuiya ya Maendeleo Kusini mwa Afrika (SADC).

Mkutano huo umeanza leo 21 Februari 2026 jijini Johannesburg, ukiwa mahsusi kwa ajili ya maandalizi ya mkutano wa pamoja wa Mawaziri wa Afya na Mawaziri wanaoshughulikia masuala ya UKIMWI na VVU wa SADC, unaotarajiwa kufanyika 24   Februari 2026.

Katika mkutano huo, nchi wanachama wa SADC zinatathmini kwa pamoja hali ya afya ya kikanda, dharura za afya ya jamii, pamoja na mikakati ya kuimarisha mifumo ya afya katika nchi wanachama.

Maeneo mengine yanayojadiliwa ni pamoja na masuala ya lishe na uwasilishaji wa taarifa za magonjwa ya Malaria, Kifua Kikuu na UKIMWI.

Vilevile, wajumbe wamejadili taarifa ya utekelezaji wa Huduma ya Ununuzi wa Pamoja wa SADC (SADC Pooled Procurement Services), inayolenga kuhakikisha upatikanaji wa dawa na vifaa tiba kwa gharama nafuu, zenye ubora unaokubalika na zinazopatikana kwa wakati kwa nchi wanachama.

Mkutano huo pia umejadili taarifa kuhusu athari za mafuriko yaliyosababishwa na mvua kubwa katika baadhi ya nchi za ukanda wa SADC. Kufuatia hali hiyo, wajumbe wamesisitiza umuhimu wa kuimarisha juhudi za pamoja za kiKanda katika kukabiliana na dharura za afya ya jamii, hususan katika muktadha wa majanga yanayotokana na mabadiliko ya tabianchi na milipuko ya magonjwa ya kuambukiza.

Tanzania imezitaka nchi wanachama kuendelea kuimarisha mifumo ya tahadhari za mapema, mipango ya maandalizi na mikakati ya kukabiliana na majanga ili kupunguza athari kwa afya za wananchi.

Kwa upande mwingine, mkutano umeweka mkazo katika uimarishaji wa huduma za dharura na upasuaji, huduma za usingizi (anaesthesia) na uuguzi, hususan kwa magonjwa yasiyoambukiza (NCDs), afya ya uzazi na afya ya wanawake, ikiwa ni sehemu ya juhudi za kuharakisha upatikanaji wa huduma za afya kwa wote (Universal Health Coverage) katika ukanda wa SADC.

                                 

Ushiriki wa Tanzania katika mkutano huo unaakisi dhamira ya Serikali ya kuendelea kushirikiana na nchi wanachama wa SADC katika kuimarisha mifumo ya afya, kukabiliana na milipuko ya magonjwa na kuhakikisha wananchi wa ukanda huo wanapata huduma bora, salama na endelevu za afya.





Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more