MBETO: WINGI WA BIDHAA KUSHUSHA BEI KWA WALAJI


                                   Na Mwandishi Wetu, Zanzibar

BAADHI ya bidhaa bei zipo juu katika masoko tofauti Unguja na Pemba katika kipindi hiki cha Mwezi Mtukufu wa Ramadhani kutokana na mahitaji kuwa makubwa na ukweli kuwa bidhaa hazijaanza kuingia kwa wingi toka Tanzania Bara hususan kipindi hiki cha 10 la kwanza.

Akizungumza 22 Februari 2026 mara baada ya  kumaliza ziara  ya kushtukiza aliyoifanya katika masoko na maduka mbalimbali, Katibu wa Kamati Maalum NEC Zanzibar Idara ya Itikadi Uenezi na Mafunzo Cde: Khamis Mbeto Khàmis alisema bidhaa hazijaanza kuchanganya sokoni.

  • Katika ziara hiyo mwenezi huyo alisema kuwa kilichobainika ni kuwa bidhaa bado hazijaingia zà kutosha hali inayofanya  baadhi yake bei kuwa juu lakini anaamini kuwa kadiri siku zinavyokwenda  zitaongezeka na bei zitakuwa rafiki kwa wananchi.

"Mwezi wenyewe  ndio kwanza una siku nne, najua kwenye 10 la mwanzo huenda kukawa na changamoto kidogo kwenye bei lakini siku zinavyoenda  nafuu itapatikana" alisema Mbeto.

Alitaja bidhaa kama Njugumawe, Mbaazi, Magimbi na Viazi Vikuu kuwa kwa sasa hazijaanza kuingia kwa wingi toka Tanzania Bara bei yake kidogo ipo juu na upande wa nafaka hakuna upungufu na bidhaa zote zipo sokoni na madukani.

Alìtaja bidhaa zinazotumika kwa wingi kipindi hiki za Sukari, mchele, Unga wa ngano na zingine kuwa hakuna upungufu zote zinapatikana na bei ni himilivu.

Kuhusu viungo hususan Iriki na nazi ambavyo kwa kiasi kikubwa vinatoka Tanga, Mafia na katika maeneo mashambani Unguja na Pemba bidhaa hizo zimeanza kuingia.

Mwenezi Mbeto ambaye chama chake CCM ndio kinaisimamia serikali katika kuwatumikia wananchi, amewaomba wafanyabiashara kupunguza bei za vyakula kipindi hiki cha Ramadhan.

"Nawaomba wajikite katika kuhudumia jamii, watoe Tahfif (nafuu) ili wananchi wanyonge  waweze kumudu mahitaji yao ya kila siku" alisema na kuwataka wafanyebiashara na Mungu ili waweze kuchuma heri kesho kwani kipindi hiki wananchi wengi Unguja na Pemba wanakimbilia kwenye masoko kupataa mahitaji.

Awali Mwenezi huyo aliwatembelea wafanyabiashara wenye minada ya viungo na bidhaa za vyakula na kuwashajiisha  kuagiza kwa wingi ili kumudu mahitaji ya wateja wao ili waweze kushiriki mfungo wa Mwezi Mtukufu wa Ramadhani kwa amani na utulivu.


 



 alizungumza pia na wafanyabiashara kwenye minada

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more