MBETO: MABASI MAPYA YA UMEME SI MALI YA ZSSF


                               Na Mwandishi Wetu, Zanzibar

MABASI ya Umeme ambayo yamewasili Zanzibar wiki iliyopita na yanatarajiwa kuanza kutoa huduma wakati wowote kuanzia sasa ni ya wananchi na Mfuko wa Taifa wa Pensheni za Wafanyakazi Zanzibar (ZSSF) ni wakala anayefanyakazi na Serikali.

Akizungumza mara baada ya kurudi ziara ya kikazi nchini Spain katika Jiji la Madrid na Doha, Qatar alipokwenda kwa mwaliko maalum, Katibu wa Kamati Maalum ya NEC Zanzibar, Idara ya Itikadi na Uenezi Khamis Mbeto Khamis alisema mabasi hayo ni ya wananchi hivyo wana wajibu wa kuyatunza.

Alisema pesa iliyotumika kununua mabasi hayo ni kodi za wananchi ambao ndio wenye mabasi yao na ole wake atakayejaribu kufanya uharibifu wa aina yoyote katika mabasi hayo.

Alibainisha kuwa mabasi hayo ya kisasa yana kamera za usalama hivyo aliwaonya wale watakaothubutu kufanya uharibifu wowote kuwa watakamatwa na sheria itachukua mkondo wake.

“Yatakuwa na ulinzi wa kamera ndani ya mabasi hayo na mtu ukipanda na wembe wako ukakata kochi, hatukuachi tunataka tubadilike, ukifanya uharibifu wowote katika lile gari utakamatwa” alisema.

Alisema mabasi hayo yatafika hadi nje ya Mji kutokana na zaidi ya kilometa 109 za barabara za lami zilizozingatia watumiaji wote wa barabara wakiwemo waenda kwa miguu, zilizojengwa na Rais Dkt. Hussein Ali Mwinyi.

Alisema kukamilika kwa Flyover za Kwerekwe na Amani na barabara zake kutawezesha mabasi hayo kufika Fuoni, Jumbi na kwingineko.

“Fly Over ya Amani ikikamilika itawezesha mabasi hayo kuunganisha Mnazi Mmoja, Chukwani hadi Bungu ambako bara zake zimekamilika na zipo vizuri” alisema Mwenezi Mbeto.

Alisema Mwenezi huyo kuwa mabasi hayo mapya ni safari ya kuelekea Zanzibar mpya, tunayoitaka na kwamba maono ya Rais Dkt. Hussein Ali Mwinyi ni makubwa ambayo yanahitaji kupewa ushirikiano na awali kabla ya ziara hiyo alikuwa anashangaa kwanini nchini hatufanikiwi katika mambo mengi lakini alichokugundua ni kuwa watu wanatakiwa kuwajibika na kufuata sheria zilizopo.

Alisema wenzetu wamejenga miji yao pamoja na mambo mengine, wanazingatia usafi na utunzaji wa miundombinu yao.

Mbeto aliwatoa wasiwasi watoa huduma za usafiri (daladala), kuwa wanapaswa wajiongeze kwani maendeleo ni lazima na wanaweza kupeleka vyombo vyao katika ruti zingine.

“Huwezi kupata maendeleo kwa kuendelea kupanda gari mbavu za mbwa au Coaster, tukitaka maendeleo tukubali kubadilika na ndivyo maendeleo yalivyo hata huko kwenye Metro (Treni chini ya ardhi) na za juu watu walipoteza ajira” alisema.

Alibainisha kuwa ajira zipo na kinachotakiwa ni ubunifu na si lazima gari hizo kuja mjini na serikali haiwezi kuacha kufanya maendeleo kwa kuwa fulani ana gari zake zinafanyabiashara mjini.

“Tukiacha kufanya maendeleo kwa kuwa eti Mwenezi ana Coastar zake, Toyota Hiace au Chai Maharage yake hatuwezi kufika na kuna ambao wanasema ooh...., tutawezaje kubeba mizigo toka shamba, ni suala la muda na zitakuja gari kwa ajili ya mizigo tu ambazo hadhi yake itaendana na miundombinu iliyotengenezwa na Dkt. Mwinyi” alisema Mbeto.

Alisema suala la usafi katika miji ya Zanzibar bado changamoto kulinganisha na majiji mengine yakiwemo Doha Qatar na Madrid Spain na kuwataka wananchi kubadilika.

Siku ya mapokezi ya mabasi hayo 10 ya awali, ilielezwa kuwa madereva na watendaji wangine wa mabasi hayo watapewa mafunzo maalum kabla ya ajira.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more