MBETO: CCM IPO TAYARI KWA MAZUNGUMZO NA TAASISI, CHAMA CHOCHOTE


                                        Na Mwandishi Wetu, Zanzibar

CHAMA cha Mapinduzi (CCM), kipo tayari kufanya mazungumzo na chama chochote cha siasa au taasisi yoyote lengo likiwa kujenga amani na utulivu kwa wananchi wa Zanzibar na Jamhuri ya Muungano wa Tanzania kwa ujumla.

Katibu Katibu Kamati Maalum ya NEC,Idara ya Itikadi Uenezi na Mafunzo CCM Zanzibar, Cde: Khamis Mbeto Khamis, alisema hayo akirejea hatua ya hivi karibuni ya chama hicho kupokea taarifa ya maendeleo ya mazungumzo yanayotafuta Muafaka wa utatuzi wa Kisiasa yenye lengo la kuendeleza Serikali ya Umoja wa Kitaifa Zanzibar. 

CCM kimetaja mazungumzo hayo kuwa bado siri huku yakisimamiwa na Rais wastaafu wa Zanzibar, Dkt. Amani Abeid Karume na Dkt. Ali Mohamed Shein. 

Taarifa ya uwepo wa mazungumzo baina ya CCM na ACT Wazalendo ilipokelewa na ilitangazwa kuridhiwa baada ya kukamilika kikao cha Kamati Maalum ya Halmashauri Kuu Taifa kilicho fanyika tarehe 19/2/2026 katika Ofisi Kuu ya CCM Kisiwandui Zanzibar, 

Mbeto alisema Msingi wa mazungumzo hayo, umejiegemeza katika kuzipitia hitilafu, dosari na kasoro na changamoto mbalimbali za kisiasa na kisheria hatimae ziweze kurekebishwa.

Alisema pia katika majadiliano hayo zitaangaliwa kasoro na dosari kama zipo na endapo ni za kisheria, zitapelekwa katika Baraza la Wawakilishi Zanzibar kufanyiwa marekebisho kwa mujibu wa katiba ya Zanzibar ya mwaka 1984.

"Kamati Maalum ya NEC Zanzibar imepokea taarifa ya kuendelea kwa mazungumzo kati ya CCM na ACT na agenda za mjadala huo bado ni siri na hatma ya mazumgumzo hayo ikifikiwa zitatangazwa na pande zote mbili" alisema Mwenezi Mbeto.

"Katika Majadiliano ikiwa kutaonekana haja ya kubadili jambo husika kisheria, suala hilo litapelekwa Baraza la Wawakilishi Zanzibar. Kwa mfano huwezi kuondosha kura ya mapema bila kubadili sheria yake" alisema Mbeto.

Katibu huyo Mwenezi alisema ni majadiliano yenye nia njema kwa mustakabali na ustawi wa Zanzibar na Wananchi wake.

"Wajumbe washiriki kwenye mazungumzo hayo watarudisha mrejesho kwa chama kilichowatuma kwa ajili ya hatua nyingine za vikao vya juu vya chama chetu zitafuata na kutoa maamuzi yake" alisema Mbeto.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more