DKT. MWINYI : TUNAENDA KUTATUA CHANGAMOTO UCHUKUZI MIZIGO PEMBA


                                         Na Mwandishi Wetu, Zanzibar

 Rais wa Zanzibar na Mwenyekiti wa Baraza la Mapinduzi, Alhaj. Dkt. Hussein Ali Mwinyi, amesema Serikali imejipanga vema kumaliza tatizo la usafiri na usafirishaji wa mizigo katika Kisiwa cha Pemba.

Alhaj. Dkt. Mwinyi ameyasema hayo leo tarehe 17 Februari 2026 alipoufungua Msikiti mpya wa Chachani uliopo Chake Chake, Mkoa wa Kusini Pemba, uliojengwa na mfanyabiashara Said Nassor Bopar.

Amefahamisha kuwa tayari Serikali imeandaa meli mbili za mwendo kasi kwa ajili ya kukabiliana na tatizo la uhaba wa vyombo vya usafiri kwa wananchi wa Pemba. Aidha, amebainisha kuwa Serikali itatafuta meli ya mizigo itakayofanya safari zake baina ya Unguja na Pemba.

Dkt. Mwinyi ameeleza kuwa Serikali imeliagiza Shirika la Meli la Zanzibar kutoiachia sekta binafsi pekee kufanya kazi za usafiri baharini ili kukabiliana na tatizo hilo, na kueleza kuwa meli ya MV Mapinduzi (2) itaanza kufanya kazi hivi karibuni baada ya kufanyiwa matengenezo.

Amesema hatua ya kuimarika kwa bandari za Pemba itachochea sekta binafsi kuleta vyombo zaidi vya usafiri na kusaidia juhudi za Serikali za kumaliza tatizo hilo.

Alhaj. Dkt. Mwinyi amewaasa waumini wa dini ya Kiislamu kuitumia misikiti kwa kujadili na kuzipatia ufumbuzi changamoto zinazowakabili watu wa makundi maalumu wakiwemo wajane, mayatima na wasio na uwezo.

Amempongeza mfadhili wa msikiti huo, mfanyabiashara Ndg. Said Nassor Bopar, kwa kujitolea kujenga msikiti huo na kuwanasihi watu wenye uwezo kuwekeza katika mambo ya kheri kwa ajili ya Akhera yao.


Kwa mara nyingine, Alhaj. Dkt. Mwinyi amewasisitiza wafanyabiashara kutopandisha bei za bidhaa za chakula wakati wa Ramadhan, kwani bidhaa hizo zipo za kutosha, pamoja na kuwahimiza waumini wa dini ya Kiislamu kuzidisha ibada na kuhurumiana baina yao.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more