CCM YARIDHIA MAZUNGUMZO NA ACT ZANZIBAR


                                         Na Mwandishi Wetu, Zanzibar

HALMASHAURI  Kuu ya CCM Taifa  katika kikao chake kilichofanyika 19 Februari 2026, Zanzibar chini ya Makamu Mwenyekiti wa CCM Taifa, Dkt. Hussein Ali Mwinyi imeridhia kuendelea kwa mazungumzo na ACT Wazalendo ili kupata muafaka wa uundwaji Serikali ya Umoja wa kiTaifa.

Akizungumza Ofisi Kuu ya CCM Kisiwandui, Zanzibar mara baada ya kikao hicho, Katibu wa Kamati Maalum NEC Zanzibar Idara ya Itikadi, Uenezi na Mafunzo, Khamis Mbeto Khamis alisema mazungumzo hayo yalianza lakini yalikuwa hayajaletwa rasmi kwenye chama.

"Mazungumzo na ACT yalisha anza na upande wa CCM yanaongozwa Rais Wastaafu, Dkt. Ali Mohamed Shein na Dkt. Amani Abeid Karume na sasa chama kimepokea taarifa rasmi ya mazungumzo hayo" alisema Mbeto.

Alibainisha kuwa ingawa serikali hiyo ipo kikatiba kulingana na mabadiliko ya 10 ya Katiba ya Zanzibar lakini kwa kuwa katika sura haijakamilika kwa maana ya kujazwa nafasi ya Makamu wa Kwanza wa Rais na nne za Mawaziri kulingana na idadi ya kura na asilimia ambazo chama kimepata.

"Kwa kauli moja, kikao cha Halmashauri Kuu CCM Taifa, kimepokea taarifa hiyo na kimeridhia Rais wastaafu, waendelee na mazungumzo na ACT na kukifahamisha chama kila hatua ya mazungumzo" alisema Mwenezi Mbeto.

Alisema kuwa baadae watakapokubaliana wote ACT na CCM suala hilo litawasilishwa Kamati Maalum CCM ambao tutawasilisha Kamati Kuu.

Alisema watatoka na kauli moja katika yale waliyokubaliana hivyo Rais hao wastaafu wataendelea kuwa ndio wasimamizi wakuu wa CCM katika mazungumzo hayo na wasaidizi wao.

Mbeto alisema kupitia mikutano yao ni kwamba ACT walishaliwasilisha kwenye chama chao na likapata ridhaa hivyo nao CCM kimetoa ridhaa mazungumzo yaendelee na agenda zitajadiliwa ili kuzaa muafaka kwa pande zote mbili.

"Wenzetu wameleta ajenda nyingi, kila moja itajadiliwa kwa kina na mwisho wa mazungumzo tutasaini tulichokubaliana na kama ni mfumo wa uchaguzi lazima vyombo vingine vihusishwe" alisema na kuongeza kuwa yale ya kisheria ikiwa ni pamoja na kura ya mapema lazima liende Baraza la Mawaziri na baadae Baraza la Wawakilishi.

Alieleza kuwa yale ambayo yapo kwenye mamlaka ya Rais kutekeleza kupitia mkutano huo, ameshapata baraka za chama.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more