WAZIRI KAIRUKI ATAKA UJUMUISHI WANAWAKE, VIJANA KIDIJITALI


                                        Na Mwandishi Wetu, Dar es Salaam

Waziri wa Mawasiliano na Teknolojia ya Habari Angellah Jasmine Mbelwa Kairuki ambaye pia ni Mbunge wa Kibamba, anasema Serikali itaendelea kuweka mazingira wezeshi ya kisera, kifedha na kitaasisi ili kuchochea uvumbuzi unaojenga ajira na kujitegemea kwa Taifa.

Akizungumza wakati wa kufunga Kongamano la 9 la Mwaka 2026 la Teknolojia ya Habari na Mawasiliano (TAIC 2026) 19 Januari 2026, Waziri Kairuki alisema serikali ina dhamira ya dhati kuhakikisha wanawake na wasichana wanashiriki kikamilifu katika mabadiliko ya kijigitali na uvumbuzi wa kiteknolojia.

“Nimefurahi kuona jukwaa hili limetenga siku hii kwa ajili ya wanawake katika TEHAMA kwani wana mchango mkubwa katika kuiendeleza na kuanzisha bunifu na kuongoza taasisi za kijiditali” alisema.

Alibainisha kuwa pia wana nafasi kubwa ya kubuni suluhisho zenye athari chanya za kijamii na kusisitiza umuhimu wa vijana katika mabadiliko ya kidijitali akieleza kuwa kupitia kampuni changa za TEHAMA (ICT STARTUP}. Vijana wana fursa kubwa kujiajiri badala ya kuajiriwa.

Ni malengo ya Serikali kuwa na kundi hili tambulika, liendelezwe na liungwe mkono kwenye kuboresha ubunifu wao” alisema Waziri Kairuki na kuongeza kuwa hatua za kimkakati zinazochukuliwa na serikali ni kuhakikisha mabadiliko ya kidijitali yanatekelezwa kwa ufanisi.

Waziri Kairuki ameiagiza Tume ya TEHAMA, kuimarisha usajili na uendelezaji wa watalaam pamoja na kuiboresha mifumo ya kusimamia na kusaidia Kampuni changa bunifu ili ziweze kuingia sokoni kwa ufanisi.

Alizitaka taasisi za Umma na Sekta Binafsi kuwasilisha taarifa kuhusu mifumo yao ya TEHAMA kwa wizara na kuhakikisha mifumo hiyo inasomana na mingine.

Pia Waziri Kairuki alisisitiza umuhimu wa wabunifu na waandaaji wa mahudhui (Content Creator), kuhakikisha wanazingatia matumizi sahihi ya mifumo na teknolojia zinazoibuka ikiwemo ya Akili Unde (A1) ili kuepuka matumizi yanayokiuka maadili nchini.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more