MBETO: NENDENI BUNGENI MKASIMAMIE MASLAHI YA ZANZIBAŔ


                                            Na Mwandishi Wetu, Zanzibar

WAJUMBE watano kutoka Baraza la Wawakilishi walioteuliwa kuiwakilisha Zanzibar katika Bunge la Jamhuri ya Muungano wa Tanzania wametakiwa wakayasimamie maslahi ya Zanzibar kwa mujibu wa katiba na makubaliano ya Muungano ya mwaka 1964.

Akizungumza katika kipindi cha Safari ya Bahari kinachorushwa na Bahari FM, mjini Unguja, Zanzibar 28 Januari 2026 Katibu wa Kamati Maalum ya NEC Zanzibar, Idara ya Itikadi, Uenezi na Mafunzo Khamis Mbeto Khamis alisema Wajumbe hao kutoka Baraza la Wawakilishi ambao wameenda kuwa Wabunge wa Bunge la Jamhuri ya Muungano watambue wajibu wao kuwa ni kuitetea Zanzibar na sio wameenda huko kukaa kimya.

"Wakajenge hoja za nguvu na sio nguvu za hoja kuhusiana na mgawanyiko wa raslimali za Taifa ikiwemo mikopo na misaada inayokuja kwa jina la Muungano wa Tanzania na pia suala la elimu ya juu" alisema Mbeto.

Alisema kuwa ni wengi katika Baraza la Wawakilishi waliomba nafasi hizo lakini hawakupata na kulingana na mgawanyiko ulivyo, Wawakilishi wanne wametoka CCM na mmoja ACT Wazalendo hivyo amewataka wakasimamie maslahi ya Zanzibar na kuhakikisha yanapatikana kwa wakati.

Alisema Mwakilishi katika Bunge la Jamhuri ya Muungano wa Tanzania ni Mbunge kamili na Rais anaweza kumteua kuwa Waziri Bara, hivyo ni vema watambue kuwa kuna mambo mengi wanayopaswa kuzungumzia kuhusu Zanzibar na Jamhuri ya Muungano kwa jumla.

" Waende wakawakishe vema, watu hawajui, wakiona kitu kinaletwa Zanzibar wanadhani tumepewa sadaka, ile ni haki ya Zanzibar na ipate kwa mujibu wa makubaliano ya Muungano kuhusiana na mgawanyo wa raslimali" alisema Mwenezi Mbeto.

Alisema Wawakilishe hao wamechaguliwa kulingana na Katiba ya CCM na alitumia fursa hiyo kumpongeza Rais wa Jamhuri ya Muungano kwa siku yake ya mfanano ya kuzaliwa na kumtakia afya njema na kitendo cha kuamua kupanda miti kuna nia njema ya kuiweka vema haiba ya nchi kwani miti ni uhai.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more