MBETO: MIAKA 200 YA 'MWARABU' ZANZIBAR MIJI SHANGANI,DARAJANI


                                       Mwandishi Wetu, Zanzibar

ZANZIBAR Visiwa vyenye historia ya kipekee ukanda wa Afrika Mashariki licha ya kutawaliwa na Ureno karne ya 14 baadae ukawa chini ya utawala wa kisultani wa Waarabu kutoka Oman kwa miaka 200 lakini Mji wa Zanzibar ulianzia Shangani ukaishia Darajani kutokana na watawala hao kutojali hali za wenyeji  waAfrika maskini.

Akizungumza katika mahojiano na Bahari FM mjinj Unguja leo 15 Januari 2026, Katibu wa Kamati Maalum NEC, Zanzibar Idara ya Itikadi, Uenezi na Mafunzo, Khamis Mbeto Khamis alisema Zanzibar imetawaliwa miaka 200 na Sultan wa Oman barabara iliyokuwepo ni kutoka Shangani hadi Darajani lakini leo miaka 62 baada ya Mapinduzi, barabara za lami sio mijini tu bali hadi vijijini.

"Leo Zanzibar nzima miji imeungana kwa barabara za lami kuanzia Tunguu, Kizimkazi hadi Makunduchi na Miji ya Pemba pia na hiyo ni ndani ya miaka 62 baada ya Mapinduzi, lakini mwarabu ametawala miaka 200 hakuna maendeleo yaliyofanyika" alisema Mbeto.

Alisema mwenezi huyo kuwa mapinduzi yalifanyika ili huduma za msingi za jamii ziweze kupatikana ikiwemo elimu, matibabu, miundombinu na makazi bora kwa waAfrika maskini wa Zanzibar.

Alisema anachofanya Dkt. Mwinyi anatimiza azma ya mapinduzi ambayo ni kuwapatia wananchi kile walichokikosa kipindi kile cha utawala wa kisultani wa kiarabu.

Ndio maana mara tu baada ya Mapinduzi, Rais Amani Abeid Karume alitangaza huduma bure za afya, elimu na kuhakikisha kila mwaAfrika mZanzibar anapata makazi bora na kuanza kuwajengea nyumba bora za kuishi.

"Jiwe la Msingi la ujenzi wa nyumba za ghorofa Michenzani Rais wa Kwanza, Abeid Amani Karume aliliweka 1966" alisema Mwenezi Mbeto.

Ujenzi ukaanza na baadae anasema Mwenezi kuwa wakatokea nchi rafiki ya Ujerumani Mashariki (enzi hizo), wakajenga za Kikwajuni

Alibainisha kuwa ardhi yote ya Zanzibar ilikuwa inamilikiwa na watu wasiozidi watatu, ikagawanywa upya na kila mkazi mwenyeji alipatiwa ekari tatu kuanzisha na kuendelea na maisha.

Anabainisha kuwa hata shule zilizokuwepo ni kwa ajili ya wachache wakiwemo watoto wa kizungu, asili ya Kiarabu, Goa na Wahindi na shule kwa wananchi maskini si zaidi ya mbili.

"Waliopindua wametaka huduma bora ndio maana tunasema mapinduzi daima" alisema na kuongeza kuwa ni wajibu vijana wajitambue na kujua kiini cha Mapinduzi ya Zanzibar na kuyalinda kwa nguvu zote na kudumisha amani na wasifuate mkumbo.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more