MBETO: MAPINDUZI ZANZIBAR NI KWA KIZAZI CHA SASA


                                             Na Mwandishi Wetu, Zanzibar

MAENDELEO yanayofanyika kwa vitendo Zanzibar hivi sasa ndio maana ya kauli mbiu ya Chama cha Mapinduzi (CCM) isemayo 'Mapinduzi Daima'.

Akizungumza mjini Unguja wakati wa shamra shamra za kilele cha Siku ya Mapinduzi ya Zanzibar, 11 Januari 2026, Katibu wa Kamati Maalum NEC Zanzibar, Idara ya Itikadi, Uenezi na Mafunzo, Khamis Mbeto Khamis alisema waAfrika waliamua kufanya mapinduzi miaka 62 iliyopita baada ya kukosa haki zao na huduma za msingi za maendeleo na kijamii.

Mwenezi Mbeto alisema ndio maana kabla ya kilele cha maadhimisho ya siku hiyo Serikali ya Mapinduzi imekuwa na uzinduzi wa miradi mingi ya maendeleo kwa wananchi na hiyo ndio maana ya 'Mapinduzi Daima'.

Alibainisha kuwa vijana wanapaswa kufahamu kuwa Mapinduzi Daima ni Maendeleo Daima kwani miaka 62 iliyopita watoto wa maskini Zanzibar walikosa elimu, hakukuwa na elimu bora kwa wote.

o

Mwenezi Mbeto anasema leo inapozinduliwa barabara maana yake miaka 62 iliyopita hakukuwa na barabara zenye hadhi hata  ya kifusi kwenye maeneo yao na walikuwa wanachonga njia wenyewe huko wanakoishi.

"Leo angalia barabara zilizojengwa" alisema na kuongeza kuwa hakukuwa na hospitali zinazotoa huduma za matibabu kwa waAfrika wa Zanzibar.

Kuhusu elimu Mbeto alisema Zanzibar haikuwa na chuo kikuu hata kimoja leo kuna Kampasi nyingi na Vyuo Vikuu vimejengwa kikiiwemo cha Sayansi ya Bahari na upande mwingine bandari zilizokuwepo zilikuwa za majahazi sio meli.

"Leo unapozungumzia mapinduzi ni pamoja na kujumlisha haya yanayofanyika sasa ambayo maana yake ni kuendeleza azma iliyosababisha mapinduzi" alisema.

Miaka 62 ya  Mapinduzi ya Zanzibar kumeshuhudiwa kujengwa shule za msingi na sekondari za kisasa za ghorofa zenye kila kinachohitajika kujifunza na kufundishia mijini na vijijini ambako hutolewa elimu bila malipo.

Huduma za afya bila malipo huku kukiwa na mamlaka ya kuhakikisha mgonjwa hakosi dawa katika hospitali zilizojengwa kila wilaya zenye vipimo vya magonjwa karibu  yote na madaktari ambao kati yao wamejengewa nyumba za kisasa zenye kila kitu ndani, eneo la hospitali.

Barabara za  lami ziliyozingatia ubora wa viwango vinavyotambulika kutoka mwanzo hadi mwisho wa Unguja kadhalika na Pemba.

Viwanja vya ndege vinayojengwa na vinavyofanyiwa upanuzi, bandari, nyumba bora za makazi kwa wananchi na huduma zingine ni sehemu ya mambo ambayo Mwenezi Mbeto anayabainisha kuwa yana akisi kauli mbinu ya CCM ya 'Mapinduzi Daima'

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more